कन्हय् असनय् नेवाः मोर्चाया जुलुस

येँ – विकासया नामय् थौंकन्हय् स्वनिगःया नेवाःतय्त भूमिपाखें विस्थापित जुइ माली कथं राज्यं न्ह्याकाच्वंगु थीथी ज्याखँया विरोधय् नेवाः राष्ट्रिय मुक्त मोर्चा, येँ जिल्ला कमिटीं येँय् प्रदर्शन याइगु जूगु दु । थ्व झ्वलय् मोर्चापाखें कन्हय् शुक्रवाः थनया असनं वृहत प्रदर्शन याइगु जूगु दु । स्वनिगलय् जुयाच्वंगु भूमि अतिक्रमण विरुद्ध दवावमूलक आन्दोलनया रुपय् थ्व प्रदर्शन जुइगु खँ मोर्चां धाःगु दु ।

फास्ट ट्राय्क, बाहिरी चक्रपथ, सार्वजनिक जग्गा अतिक्रमण, सार्वजनिक थासय् व्यवसायिक भवन निर्माण, सडक विस्तार लगायतया ज्याखँ विरुद्ध थ्व विरोध प्रदर्शन यायेत्यंगु खः । असनं २ः३० बजे जुलुस न्ह्याइगु खँ धाःगु दु ।

सम्बन्धित बुखँ

LEAVE YOUR COMMENTS