ने. सं. ११४४ कछलागा द्वादशी -

हनुमानध्वाखा लागाय् बँपसः बन्द

येँ – हनुमानध्वाखा लागाय् म्हीगंनिसें फुटपाथ पसः चीकूगु दु । येँ मनपा२३ वडाया अध्यक्ष मचाराजा महर्जनया नेतृत्वय् फुटपाथ पसः चीकेगु लिसें थीथी देगलय् तयातःगु व्यक्तिया सामान नं चीकूगु खः ।

पर्यटकीय लागाय् थुकथं फुटपाथ पसः तयेगु उचित मजूगुलिं थःपिंसं थ्व अभियान न्ह्याकूगु खँ वडाध्यक्ष महर्जनं नेपालभाषा टाइम्सयात कनादिल । आःयात प्याफः, सिँल्यं सतः, दमकल व मखंया महाद्यः तकया लागाय् गुगुं नं कथंया फुटपाथ पसः मतयेकेगु खँ वय्कलं कनादिल । बिष्णुमति लिंक रोड दयेकेगु ज्या क्वचाल धाःसा अन गाडी नं बन्द याइगु ग्वसाः दु ।