ने. सं. ११४३ तछलाथ्व त्रयोदशी -

२१४ म्ह मिसामस्तय् इहि

ख्वप – थनया वडा नं. ९ सुजःद्यः मरःत्वाः व इना गणेद्यःथाय् २१४ म्ह मिसामस्तय् इहि जुल । स्थानीय कृष्णभक्त कोजूया व्यक्तिगत ग्वसालय् १६० म्ह मिसामस्तय् इहि जूगु खःसा उगु हे वडाया इना देगः देगइनाय् सनिलकुमार खोंजू व रविना खोंजूं ५४ म्ह मस्तय् इहि मुंकूगु खः । मंकाः इहि मुनेज्याय् बिहिवाः दुस्वः खःसा थौं शुक्रवाः इहि याकाः बाह्रां छुकाः छेँय् दुकायेत्यंगु दु ।