ने. सं. ११४६ बछलाथ्व पारू - बुंगद्यःरथय् तइगु / याेगबीरसिं बुदिं

ग्रीन प्लानया गुक्वःगु साधारण सभा

येँ – भिंद्यःत्वालय् च्वंगु ग्रीन प्लान बचत तथा ऋण सहकारी संस्थाया गुक्वःगु साधारण सभा वंगु पुस २८ गते शनिवाः कुन्हु हेरिटेज प्लाजा प्याफलय् क्वचाल ।संस्थाया अध्यक्ष मचराजा महर्जनया सभापत्विय् न्ह्यागु थुगु साधारण सभाय् मूपाहां प्रा. ई. चन्द्रमान डंगोल झायादीगु खःसा पाहांकथं वाद्य गुरु न्हुच्छेबहादुर महर्जन झायादीगु खः ।

संस्थाया दुजः राजन न्यौपानें न्ह्याकादीगु थुगु ज्याझ्वलय् संस्थाया सचिव हेराकाजी महर्जनं लसकुस यानादीगु खः अथे हे ज्याझ्वलय् संस्थाया वार्षिक प्रतिवेदन, आर्थिक प्रतिवेदन व भावी योजनाबारे संस्थाया अध्यक्ष मचाराजा महर्जनं न्ह्यब्वयादीगु खःसा धन्यवाद संस्था उपाध्यक्ष महेशकुमार वज्राचार्यं बियादीगु खः ।

संस्थां थीथी ख्यलय् थीथी कथं सामाजिक व आर्थिक विकासया निंतिं दुजःपिंत थीथी कथं लाभांस बिया वनेगु खँय् बः बिउगु दु । ज्याझ्वलय् मेगु प्यदँया निंतिं संस्थाया न्हूगु कार्यसमितिया ल्यज्या सर्वसम्मतपाखें जूगु खः ।