ने. सं. ११४६ अनलागा सप्तमी -

पुस २७ गते हाकुगु न्हि हनेगु तयारी

येँ – जुजु पृथ्वीनारायण शाहया बुन्हि पुस २७ गतेयात आदिवासी जनजातितय्सं हाकुगु न्हिया रुपय् हनेगु तयारी याःगु दु । वकुन्हु न्हिनय् २ बजे किपूया नगां वनेगु दुवातय् मुनाः ¥याली पिकासें देय् चाःहिलेगु व छ्याकः ल्वहँतय् वनाः पृथ्वीनारायण शाहयात थुकलं बी कथं थु थु याः वनेगु ज्याझ्वः दयेकूगु दु ।

नेवाः प्रदेशय् आदिवासी जनजाति जागरण, आदिवासी जनजाति राष्ट्रिय आन्दोलन, नेपाल आदिवासी जनजाति महासंघ व राष्ट्रिय आदिवासी जनजाति महिला महासंघया मंकाः ग्वसालय् उगु ज्याझ्वः यायेत्यंगु खः । आदिवासी जनजातितय्सं वंगु छुं दँ न्ह्यवंनिसें पुस २७ यात हाकुगु न्हिया रुपय् थुकथं हनेगु ज्या याना वयाच्वंगु दु । सरकारं धाःसा सरकारीस्तरं छुं ज्याझ्वः मयाःसां वकुन्हु हानं राष्ट्रिय एकता दिवस धकाः हे हनेगु चलन शुरु याना हःगु दु ।