लेडी गागाया नेक्लेस

सेलिब्रिटीत जब गुगुं नं ज्याझ्वलय् वनी, अन इमिगु तिसा वसःया गाक्कं चर्चा जुइ । उकिसनं हलिउड सेलिब्रिटीतय् खँ हे अलग । थ्व हे झ्वलय् वंगु आइतवाः हलिउडया छम्ह नांजाःम्ह म्येँ हालामि लेडी गागा छगू ज्याझ्वलय् ब्वति कायेत वन । ‘गोल्डेन ग्लोब्स अवार्ड’ ज्याझ्वलय् वंम्ह हलिउड हट गायिका लेडी गागां तिना वःगु तिसाया गाक्कं हे चर्चा जुल ।

गागां तिना वःगु तिसाया मू जक ५ मिलियन डलर बराबरया खःसा वं तिना वःगु हिराया नेक्सलेस २० क्यारेटया स्वसःगः हिरा थुनाः दयेकतःगु खः । अवार्ड ज्याझ्वलय् ‘इगसेल ब्लू’ वसतय् खने दयेकः वःम्ह गागां रेड कार्पेटय् सकसिगुं ध्यान थःपाखे सालेत सफल जूगु खः ।

अवार्ड ज्याझ्वलय् हे दकलय् अप्वः चर्चाय् वःम्ह गागां अवार्ड नं ल्हातय् लाकेत सफल जूगु खः । लेडी गागाया निंतिं वया डिजाइनरं विशेषकथंया तिसा व वसःया डिजाइन याःगु खः । लेडी गागां त्याकूगु थ्व अवार्ड वयागु जीवनया निंतिं महत्वपूर्ण अवार्ड खः, छाय्कि वं थुगु दँया हे दकलय् न्हापांगु व महत्वपूर्ण अवार्ड ल्हातय् लाकूूगु खः ।

सम्बन्धित बुखँ

LEAVE YOUR COMMENTS