ख्वपय् विद्यालयस्तरीय म्येँ कासा

थिमि – सुप्रिम एकेदेमिया ग्वसालय् जूगु ख्वप जिल्लाव्यापी माध्यमिकस्तरीय एकल गायन कासाय् विनायाक शिक्षा निकेतनया विद्यार्थी आश्रय रंजित ख्वप जिल्लाया हे दकलय् उत्कृष्ट गायक जुइत सफल जूगु दु । नीप्यंगू विद्यालयापाखें स्वीन्याम्ह विद्यार्थीतय्सं ब्वति काःगु कासाय् रंजितयात उपाधिलिसें उत्कृष्ट गायक घोषणा याःगु खः ।

उगु म्येँ कासाय् सिद्धार्थ विद्यापीठया शीर्षक भट्टराई, ग्लाडस्टोन एकेदेमिया निखिला बस्नेत व चाण्क्य माध्यमिक विद्यालयया डेभिड खड्गीं लिउ, लियांलिउ व हःपाःसिरपाः त्याकादीगु खः । कासाया निर्णायकमण्डलय् वरिष्ठ संगीतकार राजु सिंह, नांजाःम्ह म्येँ हालामि प्रास्ना शाक्य च्वनादीगु खः ।

शिक्षासेवी रामकृष्ण दुवाल, निजी विद्यालय संगठन हिसानया केन्द्रीय अध्यक्ष रमेशकुमार सिल्वाल, हिसानया ख्वप जिल्ला अध्यक्ष शिवकृष्ण श्रेष्ठपिनिगु उपस्थिति दुगु ज्याझ्वलय् सुप्रिम एकेदेमिया प्राचार्य विरेन्द्र जयनां विद्यार्थीतय्त अध्ययनया नापनापं इमिगु दुने सुलाच्वंगु प्रतिभा प्रस्फुटन यायेगु ल्याखं उकथंया कासाया ग्वसाः ग्वयागु जानकारी बियादिल ।