२ लाख लाइसेन्स छापे जुल

येँ – स्मार्ट लाइसेन्स छपाईया जिम्मा काःगु मालिका इन्कर्पोरिटं २ लाख लाइसेन्स छापे यायेधुंकूगु दु । ६ लाख लाइसेन्स छापे यायेगु जिम्मा काःगु कर्पोरिटं २ लाख लाइसेन्स छपाई यानाः यातायात व्यवस्था विभागयात हस्तान्तरण यायेधुंकूगु दु । विभागया प्रवक्ता गोकर्णप्रसाद उपाध्ययया कथं विभागय् वःगु लाइसेन्स इनेगु ज्या नं शुरु जुइधुंकूगु दु ।

लाइसेन्स छापे यायेगु झ्वलय् प्राविधिक समस्या वयाः लाइसेन्स छापे यायेगु ज्या लिबानाच्वंगु खः । इन्कर्पोरिटं न्हिं २० हजारया ल्याखय् लाइसेन्स छापे यायेगु दावी याःगु खःसां नं माःगु डाटा विभागं उपलब्ध याके मफुगुलिं म्हो जक लाइसेन्स छापे यायेगु ज्या जूगु खँ धाःगु दु ।
विभागं कर्पोरेटयात पुस २८ गते दुने ६ लाख लाइसेन्स छापे यायेगु जिम्मा बिउगु खः । इन्कर्पोरेटं पीन्यान्हुया दुने ६ लाख लाइसेन्स छापे यायेगु विभागलिसे सम्झौता याःगु खः ।

छपाः लाइसेन्स छापे याःगु वापत विभागं झिंन्यातका तका बीगु सम्झौता जूगु खः ।