बुंगद्यः जात्राया तयारी

यल – बुंगद्यः यलय् हयेवं जात्राया तयारी नं न्ह्याःगु दु । जात्राया निंतिं माःगु सिँ भारतं हयेमाःगुलिं आवंनिसें हे तयारी शुरु जूगु खः । गुलिखे सिँ जंगलय् नं अःपुक मदइगु खँ धाःगु दु ।जात्राया निंतिं सिँ, बेत व खिपः माःगु खँ यलया गुथि संस्थानं धाःगु दु । बेत नं ग्वल्लाःगु व चिरुवा यानाः निगू कथंया माःगु खँ शाखा प्रमुख शैलेन्द्र पौडेलं कनादीगु दु ।

रथ दयेकेत जक खुगू कथंया खिपः माः । उकी मध्ये छुं छुं खिपः नेपालय् दुसां गुलिखे धाःसा भारतं हयेमाः । बेत नं भारतं हे हयेमाः । बेत हयेगु निंतिं न्यादँया ठेक्का सम्झौता जुइधुंकूगु दु । जात्राया निंतिं माःगु सामग्री ज्वरे यायेगु झ्वलय् दकलय् थाकुगु महाबेत हयेगु ज्या खः । उगु महाबेत भारतया आसामं हयेमाःगु खँ कनादिसें भन्सार जुयाः हयेत अःपु मजूगु खँ नं वय्कलं कनादिल ।