सतकय् द्वहं स्यायेगु ख्याच्वः

येँ – कुमार लिङदेल नेतृत्वया संघीय लोकतान्त्रिक राष्ट्रिय मञ्च नेपालया केन्द्रीय सचिव भुपेन्द्रसुन्दर लावतीं द्वहं स्याःगु द्वपनय् ज्वना तःपिं न्याम्ह नेवाः लगायत झिम्हेसित बिना शर्त तत्काल मत्वःतल धाःसा धरानया भानुचोकय् द्वहं स्यानाः धर्म निरपेक्षता लागू यायेगु ख्याच्वः बिउगु दु ।

सोमवाः धरानय् जूगु विरोध ¥यालीयात सम्बोधन यासें लावतीं मुलुक धर्मनिरपेक्ष राज्य जुइधुंकूगु अवस्थाय् नं द्वहं स्याःगु मुद्दा दयेकाः ज्वनेगु संविधान विरुद्धय् वनेगु खः धासें संविधानया मौलिक हकय् सांस्कृतिक खानपान, रितिरिवाज, धर्म, संस्कार माने याये दइगु अधिकार स्पष्ट च्वयातःगु धासें थःपिंत थ्व अधिकारपाखें बञ्चित याःगु द्वपं बियादिल । ज्वनातःपिंत मत्वःतल धाःसा थप आन्दोलन यायेगु ख्याच्वः नं वय्कलं बियादिल । इलाका प्रहरी कार्यालय धरानं धरान–१७ य् द्वहं स्यानाच्वंगु इलय् झिम्हेसित ज्वंगु खः ।

सम्बन्धित बुखँ

LEAVE YOUR COMMENTS