चर्चाय् प्रियंकाया वेडिङ गाउन

७५ फूट ताःहाकःगु, तुइसे च्वंगु थ्व झूल थेंज्याःगु छु खः ? थ्व खः प्रियंका चोपडाया वेडिंग गाउन ।बलिउड अभिनेत्री प्रियंका चोपडां बुधवाः थःगु इन्स्टाग्राम मार्फत पितबिउगु थःगु इहिपाया किपाय् खनेदुगु गाउन खः थ्व । प्रियंकां अमेरिकी सेलिब्रिटी निक जोन्स लिसे वंगु वालय् जोधपुर शाही ढंगं इहिपा याःगु खः ।

इसाई धर्म कथं याःगु इहिपा समारोहय् प्रियंका राल्फ लोरेनं डिजाइन याःगु थ्व ७५ फूट ताःहाकःगु गाउन फिउगु खः । थ्व गाउनय् २० लाख सितारा तिकातःगु खः । बेलायती राजकुमार ह्यारि लिसे ब्याका यानाः डचेज अफ ससेक्स जूम्ह मेगन मर्केलं नं इहिपाया इलय् थज्याःगु हे वेडिङ्ग गाउन पुंगु खः, तर व गाउन धाःसा १६ फूट जक ताःहाकःगु खः ।

वंगु शनिवाः जोधरपुरया उम्मेद भवन राजमहलय् थज्याःगु गाउन पुनाः इसाई धर्म कथं इहिपा याःपिं प्रियंका व निकं आइतवाः हाकनं हिन्दू परम्पराकथं नं इहिपा याःगु खः । पिपल म्याग्जिन लिसे खँ ल्हासें प्रियंकाः थःपिनिगु इहिपा निगू धर्मया मिलन धकाः धाःगु दु । प्रियंकां धाःगु दु, ‘जिपिं गुगु बांलाःगु परम्परा ज्वनाः तःधिक जुयाः उकियात जिमिसं थःपिनिगु हे तरिका दुथ्याकागु दु ।’

स्वीखुदँया प्रियंकां ब्याहा याःम्ह निक धाःसा व स्वयां झिदँ क्वं नीखुदँ जक दुम्ह खः । सन् २००० या मिस वल्र्ड जूम्ह प्रियंका अमेरिकी टेलिसिरियल क्वान्टिको लिसें हलिउड फिल्म ‘वेंन्टिलेटर’, ‘बेवाच’ व ‘ए किड लाइक जेक’य् खनेदयेकः वयेधुंकूगु दु ।

सम्बन्धित बुखँ

LEAVE YOUR COMMENTS