नेकपाय् एसिया प्यासिफिकया विरोध

येँ – राजधानी येँय् नकतिनि क्वचाःगु एशिया प्यासिफिक सम्मेलनय् इसाई धर्मया प्रचार जूगु व उकी प्रधानमन्त्री केपी ओली समेत संलग्न जूगु धासें सत्तारुढ पार्टी नेकपा दुने ब्वलंगु विवाद समाधान जुया वनेगु पलेसा झन् झन् तच्वया वःगु दु ।

थ्व विवाद समाधान यायेत आः तुरुन्त हे पार्टीया स्थायी समितिया बैठक सःतेमाः धइगु सः थ्वयाच्वंगु दुसां अध्यक्ष लिसें प्रम ओलीं धाःसा आः तक अज्याःगु बैठक सःतेगु बारे बिचाः तकं याना मदीनिगु खँ धाःगु दु ।

आः हे थुकिया बारे बैठक सःतल धाःसा थ्व विवाद अझ तचाः जुया वनी धासें वय्कलं बैठक मसःतुसे च्वनादीगु खः । अध्यक्षपाखें थुकिया बारे छुं हे न्ववाःगु मदुनिसां सामाजिक सञ्जालय् धाःसा पार्टीया च्वय्या तहया नेतातय्सं हे धमाधम च्वयाः आलोचना याना हयाच्वंगु दु ।

थ्वहे झ्वलय् पार्टीपाखें नकतिनि थीथी प्रदेशया दुजःपिं नियुक्त याःगु खँय् नं पार्टी दुने असन्तोष ब्वलंगु दु । जिम्मेवारी असन्तुलित जुल धासें उकिया विरोध जुयाच्वंगु दु ।

सम्बन्धित बुखँ

LEAVE YOUR COMMENTS