१२ वडाव्यापी किपा च्वज्या कासा

येँ – थनया येँ मनपा १२ वडास्थित भैरव परिवार क्लबया ग्वसालय् वंगु शनिवाः १२ वडाव्यापी किपा च्वज्या कासा जुल । ‘नेपाःया गौरव, नेपाःया कला व संस्कृति’ विषयय् जूगु किपा च्वज्या न्यय्म्हेसिनं ब्वति काःगु खः ।कासाय् आकृति परियार (सरस्वति निकेतन) न्हाप, स्मृति महर्जन (कुमुदिनी कुञ्ज) लिउ व मन्तिसा महर्जन (श्रीकुमारी स्कुल) लियांलिउ लाःगु खः ।

थुकथं हे मंजिल चौधरी (ज्ञानोदय मा.वि.), श्रीजु शाही (मैत्री शिशु), सचिनकुमार शाह (कुमुदिनी कुञ्ज), सुनिल महर्जन (सरस्वति निकेतनं) हःपाः सिरपाः त्याकेत सफल जूगु दु ।किपा च्वज्या कासाय् वरिष्ठ चित्रकारलिसें सोसाइटी अफ मोर्डन आर्टया अध्यक्ष शंकरराज सिंह सुवाल, वरिष्ठ चित्रकार गोविन्दलाल डंगोल व चित्रकार अरुण मानन्धर निर्णायकमण्डलय् च्वनादीगु खः ।

सिरपाः त्याकादीपिंत मूपाहां येँ मनपा १२ वडा अध्यक्ष विकास डंगोलं सिरपाः लःल्हानादीगु खः । क्लबया नायः राजु महर्जनया सभापतित्वय् जूगु ज्याझ्वः पुरुषोत्तम मानन्धरया संयोजकत्वय् जूगु खः ।