नेकपा–कांग्रेस ल्वापुइ छम्ह सित

५० दँया कांग्रेस कार्यकर्ता रामविलास महतो सीगु खः । ल्वापुया झ्वलय् गोलीया झर्रां लानाः मेपिं प्यम्ह नं घाःपाः जूगु खः । उमिगु अवस्था धाःसा सामान्य दुगु खँ
धाःगु दु ।सर्लाहीया रामनगर गाउँपालिका वडा नं. ४ या वडा अध्यक्ष रामनरेश महतोयात नेकपाया कार्यकर्तातय्सं दायेवं ल्वापु जूगु खँ धाःगु दु । रामनरेश कांग्रेसपाखें निर्वाचित जूम्ह वडा अध्यक्ष खः ।

सर्लाहीपाखें निर्वाचित कांग्रेस सांसद अमरेश कुमार सिंहं गोली कयेकूपिंत कारवाही मयायेकं सीम्ह उठे मयायेगु खँ धाःगु दु । वय्कलं पुलांम्ह माओवादी नेता शिवपुजन रायं कांग्रेसया वडाअध्यक्षयात दायेकूगु द्वपं बियादीगु दु । वय्कलं पुलांपिं माओवादीतय्सं कयेकूगु गोलीं लानाः वडाअध्यक्षया कका रामनरेश सीगु खँ धयादीगु दु ।
प्रहरीं धाःसा गोली सुनां कयेकूगु धयागु सीमदुनिगु व थःपिंसं अनुसन्धान यानाच्वनागु खँ धाःगु दु ।