मोबाइल उपहारया करामत

थौंकन्हय् मांअबुं मस्तय्त व मस्तय्सं थः मांअबुयात मोबाइल उपहार बीगु चलन वयाच्वंगु दु । बुन्हिया लसताय् जुइमा व मेगु छुं नं लसता जुइमा मोबाइल उपहार बी । अथे हे विदेशं वःपिंसं नं थः मांअबु वा परिवारया मेपिंत मोबाइल हयाबी । मोबाइल उपहार काये खंपिं तसकं लय्ताइ । अले इमिसं थःत भाग्यमानी नं तायेकी । तर, थ्व हे उपहार बिउगु मोबाइल नं गबलें गबलें अभिशाप जुया बी यः ।

भारतया उत्तर प्रदेश राज्यय् छगू अज्याःगु हे घटना जूगु दु । छम्ह ५० दँ दुम्ह मांयात वया २० दँ दुम्ह कायं छगः स्मार्टफोन उपहार बिल । मोबाइल उपहार दयाः दंग जुयाच्वंम्ह उम्ह बाज्यः वने धुंकूम्ह मिसा प्रविधिप्रति अभ्यस्त जुइगु झ्वलय् वं ह्वाट्सएप व फेसबुक थेंज्याःगु सामाजिक संजालय् नं अभ्यस्त जुजुं वन । थः कायं मोबाइल बिउगु स्वलाया दुने हे वं फेसबुकय् छम्ह मिजं वया पासा जुल ।

फेसबुकय् हे म्हसीका कालबिल जुइवं इमि दथुइ अन्ततः यःत्य जुल । ५० दँ दुम्ह मिसा व २० दँ दुम्ह मिजंया दथुइ जूगु मतिना थुलि क्वातुल कि इपिं निम्हं सुनानं मसीक बिसिउँ वन ।मोबाइल उपहारया कारणं सामाजिक संजालय् अभ्यस्त जुजुं यःत्यः जुयाः बिसिउँ वंम्ह उम्ह मिसां मोबाइल धाःसा थःगु हे छेँय् त्वःता थकल ।

बाइल चायेका स्वःगु इलय् मिसाया छेँजःपिं सकलें अजू चाल कि वयागु २० दँ दुम्ह मिजंनाप यःत्यः जूगुलिं व हे मिजंनाप बिसिउँ वंगु जुयाच्वन । उम्ह मिसाया जहानलिसें कायम्ह्याय्पिं न. ततःधिकः जुइधुकूगु जक मखु छम्ह कायया इहिपा तकं जुइधुंकूगु दु । आः उम्ह मिसा व ल्याय्म्हयात प्रहरीं मालाच्वंगु दु ।