ने. सं. ११४६ बछलागा द्वादशी -

ख्यालि न्हिलि

कलाः ः यदि जिगु शैताननाप इहिपा जूगु खःसा थौं थुलि दुःख सीमालीगु मखु जुइ ! गुलि छनाप इहिपा यानाः थौं जिं दुःख सियाच्वने माल ।
भाःत ः धत् लाटी, उलि नं मसिउला छं, छगू हे ला हिया सम्बन्ध दुपिंनाप इहिपा जुइमखु धकाः !
ह्ह्ह्
ल्वगि ः डाक्टर सा’ब । जितः यक्व म्वायेगु इच्छा दु । उकिं उमेर अप्वयेकेगु छुं तरिका दुसा धयादिसँ ।
डाक्टर ः अथे खःसा याकनं इहिपा यानादिसँ ।
ल्वगि ः इहिपा जुल धाःसा उमेर अप्वइगु खः ला डाक्टर सा’ब ?
डाक्टर ः मखु, मखु । खँ अथे मखु । तर उकिया निगू फाइदा धाःसा दइ । छगू ला ताःईतक म्वानाच्वंगु इच्छा हे दइमखु । अले मेगु गुलि नं ल्यं दुगु जिन्दगी खः, व तसकं ताःहाकःगु महसुस जुइ ।
ह्ह्ह्
भाःत ः थौं छकः झी निम्ह गनं पिने चाःहिउ वने मजिउला ?
कलाः ः जिउ तर …… कार जिं चले याये नि न्हिं ?
भाःत ः मतलब वनेगु कारय् लिहां वयेगु अखबारय् ला ?