वडा भवनया जग शिलान्यास

थिमि – मध्यपुर थिमि नगरपालिका वडा नं. ७ या न्हूगु भवन निर्माणया निंतिं जग स्वनेगु ज्या जुल । मध्यपुर थिमि नगरपालिका ७ वडा ज्याकूया भवन निर्माण यायेत वंगु असोज २१ गते आइतवाः जग स्वनेज्या जूगु खः । जग स्वने न्ह्यः थेरवादी बौद्ध परम्पराकथं थाइ भिक्षु खनो· व भिक्षु मित्रपाखें भगवान बुद्धया वचनयुक्त परित्राण पाठ यासे परित्राण जल वडा भवन निर्माण जुइगु थासय् ह्वलेगु ज्या जूगु खः ।

वयां लिपा मध्यपुर थिमि नपाया मेयर मदनसुन्दर श्रेष्ठ व उपमेयर अञ्जना मधिकःमिं मंकाःकथं वडा भवनया जग शिलान्यास यानादीगु खः । स्वंगू करोड लागतय् नगर स्तरीय योजना अन्तर्गत भवन निर्माण याकनं सम्पन्न यानाः न्हूगु वडा भवनपाखें वडावासीतय्त सेवा बीगु लक्ष्य कयातःगु दु ।