पालु कचिकं नयाया फाइदा

पालु दकलय् निंगु व साःगु मसला मध्ये छता खः । थ्व थीथी पोषक तत्व व बायोएक्टिभ कम्पाउन्डं जायाच्वंगु दु, गुकिया छिगु म्ह व न्ह्यपुइ शक्तिशाली प्रभाव लाइ । कचिगु पालु नयेगु बारे खँ ल्हायेगु खःसा थ्व वाक्की लिसे ल्वायेत, मनावःगुलिसे ल्वायेत, अस्टियोआर्थराइटिस पाखें राहत कायेत, आतापुतियागु स्वास्थया समर्थन यायेत व क्यान्सरयात पनेत ग्वाहालि याइगु चीज खः धकाः धायेफु ।

पालु छु खः ?
पालु छताजि रुट भेजिटेबल खः, गुगु छताजि मसला व स्वस्थ नसाज्वलंया रुपय् थीथी सांस्कृतिक व्यंजनय् खनेदयेकः वयाच्वंगु दु । परम्परागत रुपं पालुया छ्यलाबुला निम्नस्तरयागु वाक्की व इकुइगुया उपचारय् छ्यलीगु खः । छितः थ्व खँ नं कनाबी कि द्वलंद्वः दँ न्ह्यवंनिसें पालु नसा व वासः नितांया रुपय् छ्यला वयाच्वंगु दु ।

कचिगु पालु नयाया फाइदा

वाक्कीया विरुद्ध ज्या याइ ः वाक्कीया विरुद्ध पालु तसकं हे प्रभावकारी जू । वाक्कीया निंतिं, परम्परागत उपचारया निंतिं हर्बल उपचारं निसें कयाः थीथी औपचारिक वासः तकं पालुया थीथी कथंया उत्पादनय् छ्यलेगु याइ । प्वाथय् दइबलय् वइगु वाक्की, गथेकि मर्निङ सिकनेसया खँ वलकि थ्व दकलय् प्रभावकारी जुइफु । कागति व पालु तयाः दयेकातःगु च्यां छितः वाक्कीया समस्यां मुक्त यायेत ग्वाहालि याइ ।

मांसपेशीया स्याःलिसे ल्वाइ पालु ः
पालुइ दुथ्यानाच्वंगु सूक्ष्म पोषक तत्वं मांसपेशीइ सकारात्मक प्रभाव लाइ । अले रिकभरिइ सुधार यायेफइ । पालु मांसपेशीया स्याः विरुद्ध प्रभावकारी वासःया रुपय् ज्या वइ । यद्यपि पालुया तुरन्त प्रभाव लाइमखु, तर मांसपेशी स्याःया न्हिं न्हिंया प्रगतियात कम यायेत थ्व प्रभावकारी जुइफु ।

एन्टि इन्फ्लेमेटरी प्रभाव ः
अस्टियोआर्थराइटिस छताजि न्ह्याम्हेसितं हे जुइफुगु स्वास्थ्य समस्या खः । थुकी जोर्नीया अपघटन (degeneration of the joints) दुथ्याइ, गुकिं जोर्नी स्याइगु व छाइगु थेंज्याःगु लक्षण खनेदइ । छुं छुं अध्ययन दु, गुगु कचिगु पालुया एन्टि इन्फ्लामेटरी प्रभावया कारणं अष्टियोआर्थराइटिसया थीथी लक्षणयात कम यायेत प्रभावकारी जुल ।

इन्फेक्सनलिसे ल्वाइ पालु ः
पालुइ दुगु बायोएक्टिभ कम्पाउन्डं इन्फेक्सनया खतरायात कम यायेत ग्वाहालि याइ । धाथें ला कचिगु पालुं गुलिखे अलग अलग प्रकारयापिं जीवाणुतय्गु विकासयात पनेफु । थ्व पेरियोडोन्टाइटिस थेंज्याःगु गिजाय् मनावइगु सम्बन्धि ल्वय्लिसे स्वानाच्वंगु म्हुतुया ब्याक्टेरियाया विरुद्ध तसकं प्रभावकारि जू ।

न्ह्यपुया लागी नं बांलाः पालु ः
अक्सिडेन्टिभ तनाव व क्रोनिक एन्फ्लेमेसनं एजिंगया प्रक्रिया याकनं याकनं न्ह्याकाबीफु । थ्व अल्जाइमर ल्वय् व आयु लिसे सम्बन्धित संज्ञानात्मक गिरावटया प्रमुख कारण मध्ये छता नालातःगु दु । जनावरतय् दथुइ यानास्वःगु छुं छुं अध्ययनं सिइदत कि पालुइ एन्टिअक्सिडेन्ट व बायोएक्टिभ कम्पाउन्डं न्ह्यपुइ जुइगु मनावइगु प्रक्रियायात पनेफु ।

थीथी अध्ययनं सिइदत कि पालुं न्ह्यपुया आयुलिसे सम्बन्धित क्षतिया विरुद्ध रक्षा यायेफु । थुकिं जिथिपिं मिसातय्गु ब्रेन फंक्सनय् नं सुधार यायेफु । अल्जाइमर ल्वय्लिसे स्वानाच्वंगु थीथी खतरायात अःपुक सुधार यायेगुया लिसे पालुं स्वस्थ मनूतय्गु मेमोरिइ नं सक्रिय रुपं सुधार यायेफु ।

सम्बन्धित बुखँ

LEAVE YOUR COMMENTS