म्येँ हालामि खड्गीया जिगु मनया यःम्ह पिदन

यल – नेपालभाषा सांगीतिक ख्यलय् न्हू प्रतिभाकथं खने दयेकः वःम्ह म्येँ हालामि देवकुमारी खड्गीया म्युजिक भिडियो ‘जिगु मनया यःम्ह’ बजारय् पिहां वःगु दु । वंगु शनिवाः थन जूगु छगू ज्याझ्वःया दथुइ नांजाःम्ह ख्यालिजुजु मदनकृष्ण श्रेष्ठं उगु म्युजिक भिडियो सार्वजनिक यानादीगु खः ।

ज्याझ्वलय् वाद्य गुरु कान्छाभाइ महर्जन, निर्देशक रामकृष्ण खड्गी, प्याखं गुरु दीपक वज्राचार्य, लोक गायक रत्न बेहासी विशेष पाहांकथं झायादीगु ज्याझ्वःया संयोजक नांजाःम्ह कलाकार भिमसेन रिसालं यानादीगु खः ।

ज्याझ्वलय् म्युजिक भिडियोय् अभिनय यानादीपिं कलाकार, निर्देशक, प्राविधिक नापं आर्थिक ग्वाहालि यानादीपिं व ज्याझ्वः मूपाहां नापं विशेष पाहांपिंत भिसिडीया पिकाकः इन्द्र खड्गी मतिनाया चिं लःल्हानादीगु खः ।

सम्बन्धित बुखँ

LEAVE YOUR COMMENTS