ल्हुति ताँय् सीम्ह लिकात

ल्हुति ताँ जुयाः चःमतिं शोभाभगवति वनेगु लँय् खुसि सिनाच्वंम्ह छम्ह मनूया सीम्ह लिकाःगु दु । छ्यं लखय् दुनाच्वंगु व म्ह धाःसा पिने लानाच्वंगु अवस्थाय् उम्ह मनूया सीम्ह लुइकूगु खः ।

अन्दाजी ३०–३५ दँ दुम्ह मंगोलियन ख्वाःयाम्ह उम्ह मनूयात थौं सुथय् ११ बजे स्थानीय मस्त म्हिताच्वंगु इलय् खंकूगु खः ।
सँ लहिनातःम्ह उम्ह मनुखं म्हय् ब्याग नं कुबिनातःगु खः ।

छ्यं छगः जक लखय् दुनाच्वंगु व म्ह धाःसा लखं पिने हे लानाच्वंगु अवस्थाय् सीम्ह लिकायेत वंगु निगः डोजर नं खुसिइ तुं फँसे जूगुलिं ३ बजे तक नं सीम्ह लिकाये फयाच्वंगु खःसा आः धाःसा सीम्ह लिकाये धुंकूगु दु ।

उम्ह मनू निन्हु स्वन्हु न्ह्यः सीगु खयेमाः धइगु अनुमान याःगु दुसा वयात अनं हे स्यानाः वांछ्वयातःगु वा मेथाय् स्यानाः अन वांछवये धइगु बारे धाःसा छुं सी मदुनि ।