एकायन कराते नुवाकोटया न्हापांगु साधारणसभा

येँ – नेपाल एकायन कराते संघ नुवाकोट जिल्ला समितिया न्हापांगु साधारणसभा जुल । विदुर नगरपालिका वडा नं. २ स्थित साङेछ छोयोलिङ गुम्बाय् जूगु साधारणसभा संघया जिल्ला समितिया अध्यक्ष महेन्द्रकुमार श्रेष्ठया सभापतित्वय् जूगु खः ।

नुवाकोट जिल्ला खेलकुद विकास समितिया अध्यक्ष बुद्धि प्रधान मूपाहांकथं झायादीगु साधारणसभां संघया न्हूगु ज्यासना पुचःया नं ल्यज्या याःगु खः ।साधारणसभाय् विशेष पाहांकथं झायादीम्ह संघया केन्द्रीय अध्यक्ष श्रीकृष्ण डंगोलया उपस्थितिइ संघया नुवाकोट जिल्ला समितिया न्हूधाः याःगु खः ।

होमबहादुर तामांगया अध्यक्षताय् गठन याःगु न्हूगु ज्यासना पुचलय् नरेश तामांग उपाध्यक्ष, राजु राई उपाध्यक्ष, सन्तोष राई सचिव, भरत धौलाकोटि कोषाध्यक्षय् च्वनादीगु दुसा महेन्द्रकुमार श्रेष्ठ, मछिन्द्र थापा, रामकुमार गिरि, अन्जु पाण्डे, रमेश दाहाल, प्रकाश डंगोल, दीपचन्द्र राई व कृष्णबहादुर राई दुजलय् च्वनादीगु दु ।