होन्डां अस्ट्रेलियन लिग म्हितीगु

जापानया स्टार कासामिः केइसुके होन्डा अष्ट्रेलियाया फुटबल लिगय् म्हितीगु जूगु दु । होन्डा अष्ट्रेलियन क्लब मेलर्बन विक्टरी पाखें ए लिग म्हितेत्यंगु खः । ३२ दँ दुम्ह होन्डा २९ लाख डलरया सम्झौताय् दच्छिया निंतिं मेलर्बनपाखें म्हितेगु सम्झौता याःगु खः ।अन्र्तराष्ट्रिय फुटबलं सँन्यास कायेधुकूम्हं होन्डा क्लब फुटबलं नं संन्यास कायेगुं बिचाः यानाच्वंम्ह खः ।

थ्व हे इलय् मेलर्वन विक्टरीया प्रशिक्षक केभिन मसकेटं होन्डायात प्रस्ताव तःगु खः । होन्डां केभिनलिसे खँ ल्हाये धुंकाः संन्यास कायेगु बिचाः हिलागु खँ धाःगु दु । होन्डा कम्बोडियाया राष्ट्रिय टिमया मेनेजर नं खः ।

होन्डां छगू हे इलय् कम्बोडिया फुटबल टिमया मेनेजर व ए लिगय् म्हितेगु बारे कम्बोडियाया फुटबल एसोसिएसनलिसे खँ जुइधुंकूगु व एसोसिएसन सकरात्मक दुगु खँ धाःगु दु ।होन्डां जापानया निंतिं ९८गू कासा म्हिताः ३८ गोल याःगु दु ।