पुष्पलाल पार्कयात पर्यटकीयस्थलया रुपय् विकास याइगु

किपू- थनया चम्पादेवीइ च्वंगु पुष्पलाल स्मृति पार्कया आः पर्यटकीयस्थलया रुपय् विकास याइगु जूगु दु । किपू नगरपालिकां चम्पादेवीइ च्वंगु पुष्पलाल स्मृति पार्क व उकिया जःखःया लागायात पर्यटकीयस्थलया रुपय् विकास यायेत्यंगु खः ।

नगरपालिकां पार्कयात पर्यटकीयस्थलया रुपय् विकास यानाः राष्ट्रिय व अन्तर्राष्ट्रिस्तरय् परिचित यायेगु लक्ष्य काःगु दु । उकिया निंतिं थ्व हे दँय् उगु थाय्यात पर्यटकीयस्थलया रुपय् विकास यायेगुनापं किपुलिइ किपू एकीकृत पर्यटन विकास परियोजना संचालन नं याइगु जूगु दु ।
किपूया स्थानीय क्षेत्रय् दुगु प्राकृतिक सौन्दर्यता, पैदल माग लगायत पर्यटन विकासया निंतिं पर्याप्त सम्भावना दुगु थासय् पर्यटनया पूर्वाधार नं विकासया निंतिं किपू नगरपालिकां योजना न्ह्यःने हःगु दु । उगु योजनाय् किपूया पर्यटन क्षेत्रयात विशेष प्राथमिकता बियाःगु दु ।

नापं किपुलिइ पर्यटन प्रवद्र्धनया निंतिं पर्यटन ख्यःलिसे सम्बन्धित उद्योग, होटल व पर्यटन व्यवसायलिसे सम्बन्धित नाप जानाः मेमेगु व्यवसायया विकास व संचालन यायेगु नापं थुगु ज्याय् कर व मेमेगु शुल्कय् छुटया व्यवस्था यायेगु योजना नगरपालिकां हःगु दु ।

सम्बन्धित बुखँ

LEAVE YOUR COMMENTS