नेवाः सुपरस्टार फाउण्डेशन निस्वन

येँ – नेवाः संकिपा ख्यःया कलाकारपिंत हःपाः व तिबः जुइकथं दँय् छक्वः छम्ह मिसा व छम्ह मिजं कलाकारयात म्हतिं छगू लख (१,००,०००÷–) तका सिरपाः बीगु निंतिं सुरेन्द्र तुलाधरया अध्यक्षताय् नेवाः सुपरस्टार फाउन्डेसन नीस्वंगु दु । फाउन्डेसनय् निलरत्न शाक्य न्वकु, रुमन जोशी छ्याञ्जे, सुधा महर्जन दांभरिं व दुजलय् प्रमिला शाक्य, राजीवमान शाक्य, अजयरत्न शाक्य यानाः न्हय्म्ह दुजः दु ।

नेवाः सुपरस्टार फाउण्डेशनया संस्थापक व संरक्षकय् सुनिलकुमार शाक्य च्वनादीगु दु ।शनिवाः थनया छत्रपाटी पार्टि प्यालेसय् जूगु छगू ज्याझ्वलय् जापानय् च्वनाः नेवाः भाय्, कला संस्कृति म्वाकातयेत हलिंन्यंकं प्रचार यायेमाः धकाः नेवाः नुगः ब्वया ज्या यानाच्वनादीम्ह नेवाः न्ह्यलुवा सुनिलकुमार शाक्यं थुगु नेवाः सुपरस्टार फाउण्डेशनया निंतिं नेपाः दुने व पिनें यानाः मुक्कं ३० लख तका दां मुंके धुंगु जानकारी नं बिउगु खः ।

अथे हे सरकारपाखें नं थुगु कोषय् २० लख तका तयेकेगु निंतिं खँ जुयाच्वंगु नं ज्याझ्वलय् जानकारी बिउगु खः । नेवाः संकिपा ख्यलय् थुकथं तःधंगु राशिया सिरपाः नीस्वंगु थ्व हे न्हपांखुसि खः ।

सम्बन्धित बुखँ

LEAVE YOUR COMMENTS