
छम्ह कुमारी तिनिम्ह हिरोनी जहाजय् च्वनाः चाःहिउ वन । चाःहिउ वनेगु झ्वलय् वं छगू डायरी दयेकल ।
न्हापांकुन्हुया डायरीइ वं च्वत, ‘जहाज न्ह्यात । साप हे न्ह्यइपुसे च्वं । थ्व यात्रा ला क्व हे मचाःसा जिउ का ।
कन्हय्कुन्हुया डायरीइ च्वत, ‘थौं क्याप्टेनं जितः जहाज छगलं चाःहिइके यंकल । न नं नकल, ‘ड्रिंक’ नं याकल ।’
कंसकुन्हुया डायरीइ च्वत, ‘थौं हाकनं नं वं जितः त्यंक नकल । ‘ड्रिंक’ नं याकल, अले छु धाल धाःसां जि लाखे वयागु क्वथाय् वयाः छघुतु त्वं वा हँ ! अले वयानाप हे द्यं वा हँ ! जिं म्हाः धकाः धयाबियाबलय् वं थथे का धाःगु— ‘छं जिं धयागु मन्यनेगु खःसा जिं थ्व जहाज छगलं समुद्रय् डुबय् यानाबी ।’
प्यन्हुकुन्हुया डायरीइ वं च्वत, ‘थौं जिं सछिम्ह मनूया ज्यान बचय् यानागु जुल ।’
LEAVE YOUR COMMENTS