येँ – उदाय् समाजया नायः डा. रुपज्योति कसाः व प्रतिष्ठित उद्योगपति पद्मज्योति कसाःया मां लिसें मदुम्ह उद्योगपति मणिहर्ष ज्योति कसाःया जहान केशरीलक्ष्मी कसाः मदुगुली म्हिगः उदाय् समाजया ज्यासना पुचःपाखें जमलया वय्कःपिनिगु छेँय् वनाः बिचाः हायेकूगु दु । उगु इलय् उदाय् समाजया छ्यांज्ये अमरकाजी तुलाधरं बिचाःपौ ब्वनाः न्यंकादीगु खःसा न्वकु डा. प्रेमरत्न स्थापितं मदुम्हेसिया तःधीम्ह काय् पद्मज्योति […]

येँ -मौसम पूर्वानुमान महाशाखां स्वनिगः लिसें देय्न्यंकं आः मेगु स्वन्हु तक वा वइगु खँ धाःगु दु । विभागया कथं बिहिवाः चान्हंनिसें वा वयेगु सुरु जुयाः शनिवाः तक वयेफु । महाशाखां पश्चिम व पूर्वी नेपाःया छुं छुं थासय् तसकं वा वयेफुगु व मेथाय् हल्का निसें मध्यम तकया वा वइगु खँ धाःगु खः । शुक्रवाः देन्यंकं हे आंशिक व सामान्य […]

येँ – तःधंगु तामझामया दथुइ म्हिगः बिहिवाः निसें बिमस्टेक (बहुक्षेत्रीय प्राविधिक तथा आर्थिक सहयोगया निंतिं बंगालया खाडीया राष्ट्रतय् कुतः) या प्यक्वःगु सम्मेलन येँय् सुरु जुल । तःधंगु तामझामया दथुइ थ्व बैठक सुरु जुयाच्वंगु हे इलय् बिमस्टेकया प्रभावकारितायात कयाः धाःसा विज्ञतय्सं न्ह्यसः थना हयाच्वंगु दु । बिमस्टेक सुरु जूगु २१ दँ दयेधुंकल । थ्व २१ दँया दुने बिमस्टेकं छुं […]

येँ  बहुक्षेत्रीय प्राविधिक तथा आर्थिक सहयोगया निंतिं बंगालया खाडी राष्ट्रतय् कुतः (बिमस्टेक) या प्यक्वःगु शिखर सम्मेलन म्हिगः नेपाःया प्रधानमन्त्री केपी ओलीया अध्यक्षताय् जुल । म्हिगः जूगु शिखर सम्मेलनय् नेपाः, बंगलादेश व भूटान बाहेक मेगु फुक्क हे देय्या सरकार प्रमुखतय्सं थःथःगु हे देय्या प्रमुख भासं सम्बोधन यानादीगु खः । भारतीय प्रधानमन्त्री नरेन्द्र मोदीं हिन्दी, म्यान्मारया राष्ट्रपति ऊ मिन्टं […]

प्योंगयोंग – उत्तर कोरिया व अमेरिका सम्बन्धय् हाकनं समस्या खने दया वःगु दु । उत्तर कोरियाली सरकारी संचारमाध्यमं अमेरिकां थःगु देय्या विरुद्ध युद्ध यायेगु ल्याखं आपराधिक षडयन्त्र यानाच्वंगु द्वपं बिउगु दु । उत्तर कोरियाली सरकारी संचारमाध्यमं अमेरिकां छखे थःपिंनापं मित्रताया ल्हाः न्ह्यःने हयाः न्हिलाः न्हिलाः संवाद यानाच्वंगु दुसा मेखे युद्ध यायेगु सोचं षडयन्त्र यानाच्वंगु धइगु द्वपं बिउगु […]

येँ – रसुवागढी जलविद्युत आयोजनाया ७० प्रतिशत ज्या क्वचाःगु दु । आः तक आयोजनाया ४ हजार २ सय मिटर सुरुङ म्हुइगु ज्या क्वचायेधुंकूगु दु । बाँध दयेकेगुया लिसें मेगु पूर्वाधारया ज्या नं न्ह्यानाच्वंगु दु । आयोजनाया आः ३० प्रतिशत जक ज्या दनिगु खँ आयोजनां धाःगु दु । आयोजनां १११ मेगावाट मत उत्पादन यायेगु क्षमता दु […]