येँ – वीरगञ्ज–येँ विद्युतीय रेलमार्ग नं निजगढ जुयाः येँ वइगु जूगु दु । रेल विभागं पर्सा राष्ट्रिय निकुञ्जयात बचे यानाः वीरगञ्ज–येँ जितपुरं सिमरा एयरपोर्ट जुयाः निजगढ हयेत्यंगु खः । थौंकन्हय् भारतीय सरकारं थुगु रेलमार्गया विस्तृत आयोजना प्रतिवेदन (डीपीआर) दयेकाच्वंगु दु । रेल विभागया कथं पर्सा वन्यजन्तु राष्ट्रिय निकुञ्जयात बचे यानाः वीरगञ्ज–येँ रेलमार्गयात जितपुरं निजगढ हयेत्यनागु खँ धाःगु दु । […]

येँ – प्रत्येक झिदँय् छक्वः देय्या कुल जनसंख्याया लगत काइगु राष्ट्रिय जनगणना कायेत करिब निदँत्याया ई ल्यं दनि । झिदँय् छकः जुइगु जनगणना वइगु २०७८ सालय् जू वनाच्वंगु दु । आः जुइगु जनगणनाय् सूचना प्रविधिया प्रयोग यासें बहप्रविधिमैत्री विधि प्रयोग याइगु जूगु दु । राष्ट्रिय अपांग महासंघ नेपालं ग्वसाः ग्वःगु ‘राष्ट्रिय जनगणनाय् अपांगता जूपिं व्यक्तिया सवाल’ विषयय् अन्तक्र्रिया […]

ख्वप – सिद्धिदास प्रतिष्ठान ख्वपया ग्वसालय् वंगु शनिवाः महाकवि सिद्धिदास महाजुया १५१ क्वःगु बुदिंया लसताय् छगू साहित्यिक मुँज्या जुल । प्रतिष्ठानया नायः नरेन्द्रभक्त हाडाया सभापतित्वय् जूगु साहित्यिक मुँज्याय् कवि योगेन्द्र प्रधान मूपाहांकथं झायादीगु खः । ज्याझ्वलय् पूर्ण वैद्य, नारद वज्राचार्य, राजभाइ जकःमि, सौरभ शाक्य, राजेन मानन्धर, श्याम आशा, शम्भुमान श्रेष्ठ, गोविन्दमान श्रेष्ठ, धर्म राजकर्णिकार, हरिशरण शर्मा राजोपाध्याय, […]

यल – नेपालभाषा केन्द्रीय विभागय् महाकवि सिद्धिदास महाजुया १५१ क्वःगु बुदिंया लसताय् सफू पितब्वज्या नापं विदाइ ज्याझ्वः जुल । विभाग व लुमन्ति दबूया मंकाः ग्वसालय् उगु ज्याझ्वः जूगु खः । यल महानगरपालिकाया मेयर चिरिबाबु महर्जन मूपाहांकथं व पूर्व राज्यमन्त्री तीर्थराम डंगोल विशेष पाहांकथं झायादीगु ज्याझ्वलय् ‘लुमन्ति दबू’ व ‘गंप्याखंनय् लोकपक्ष’ नांया निगू सफू पित ब्वज्या याःगु खः । […]

यल – नेपालमण्डल साहित्य प्रतिष्ठानया ग्वसालय् नेपालभाषाया प्यम्ह कविया मंकाः चिनाखँ ब्वनेगु ज्याझ्वः जुल । प्रतिष्ठानया नायः बद्री बेदनाया सभापतित्वय् उगु ज्याझ्वः जूगु खः । ज्याझ्वय् नविनप्रकाश श्रेष्ठ, नरेन्द्रमान महर्जन, राज अक्ष्योभ्य व रामेश्वर मिश्रण श्रेष्ठं थःथःगु चिनाखँ ब्वनाः न्यंकादीगु खः । वय्कःपिं प्यम्हेसिनं नं म्हतिं स्वपु स्वपु चिनाखँ निक्वः ब्वनादीगु खः । ज्याझ्वः लिपा प्रतिष्ठानया नायः वेदनां प्यम्हं […]

कलाः व भाःत निम्हेसिया नापं न्ह्यलं चाल । कलाःम्ह तसकं लय्ताया च्वन । थ्व खनाः भाःतम्हं धाल— ‘छाय् छु जुल । थौं छ ला तसकं हे लय्ताः खनेदु ।’ थौं जिं छगू तसकं हे बांलाःगु म्हगस खंगु’— कलाःम्हं धाल— ‘छिं जितः हिराया छगू हार माः हयाः बिउगु ।’ भाःतम्ह नं लय् लय्तातां धाल— ‘का अय्सा ठिक जू । छ हाकनं छक्वः […]