येँ – नेपाःया हिमालपारी च्वंगु देय् धकाः म्हसिउगु मुस्ताङ थ्यंपिं आन्तरिक पर्यटकया ल्याः थुगुसी छन्हुं प्यद्वः थ्यनेवं अनया होटल व्यवसायीत आछु आछु कंगु दु । थुगुसी मोहनिया विदाय् लाकाः मुस्ताङ जोमसोमया मुक्तिनाथ समेत चाःहिलेगु ताः तयाः वनीपिं आन्तरिक पर्यटकया ल्याः छक्वलं अप्वःगु खः । थ्व झ्वलय् अन वंगु वालय् छन्हुं प्यद्वःम्ह आन्तरिक पर्यटक थ्यंगु खः । छक्वलं थुलि […]

येँ -शुक्रवाः आकाझाकां म्हं मफयाः अस्पताल भर्ना जुयादीम्ह नेपालभाषा आन्दोलनया न्ह्यलुवा लिसें वरिष्ठ मानव अधिकारवादी नेता पद्मरत्न तुलाधरया स्वास्थ्य बांलाक सुधार जुयाच्वंगु खँ चिकित्सक–तय्सं धाःगु दु । वय्कःयात म्हिगः व म्हीग सीसीयुलय् तयाः वासः याःगु खःसां थौं वार्डय् यंके फइगु खँ धाःगु दु । शुक्रवाः स्ट्रोक जुयाः जवगु ल्हाः मसनेवं वय्कःयात माइतिघरया अन्नपूर्ण न्युरो अस्पताल यंकूगु खः । […]

येँ – असंया भिंतुना गुथिं दँय्दसं न्हूदँया लसताय् पिथना वयाच्वंगु वहया पाँय्म्वः थुगुसी नं पिदंगु दु । थुगुसी भन्ते धम्मलोक महास्थविरया किपा कियातःगु पाँय्म्वह पिदंगु खः । शनिवाः छगू ज्याझ्वःया दथुइ अखिल नेपाल भिक्षु महासंघया उपाध्यक्ष व आनन्दकुटि विहारया प्रमुख भिक्षु धर्ममूर्ति महास्थविरं पाँय्म्वहयया उलेज्या यानाबिज्यात । ज्याझ्वलय् न्ववानाबिज्यासें वसपोलं बुद्धधर्म व नेपालभाषा थपू यायेगु […]

नेपालभाषा आन्दोलनया न्ह्यलुवा लिसें वरिष्ठ मानव अधिकारवादी नेता पद्मरत्न तुलाधर अस्पताल भर्ना जुयादीगु दु । शुक्रवाः येँया माइतीघरस्थित अन्नपूर्ण न्यूरो अस्पतालय् वय्कःयात भर्ना याःगु खः । वय्कःया छेँजःपिंसं धाः कथं वय्कःयात अस्पतालया सीसीयु युनिटय् तयाः वासः याका तःगु दु । चिकित्सकपाखें वय्कःया स्वास्थ्य परीक्षण सुरु जूगु दुसां रिपोर्ट धाःसा वःगु मदुनि । अब्जरभेसनया निंतिं निन्हु […]

येँ – श्रीखण्ड तरुमूल महाविहार (सिख्वंमूबहाल) य् कतिंपुन्हिकुन्हु अभिधम्म देशना ज्याझ्वः जुल । कतिं पुन्हिया महत्व व गौतम बुद्धया अभिधम्म देशनाया लिधंसाय् बौद्ध स्तोत्रया सम्बन्धय् उगु धर्मदेशना ज्याझ्वः जूगु खः । बौद्ध धर्मग्रन्थय् न्ह्यथनातःकथं शाक्यमुनि तथागत भगवान बुद्धं थः मां मायादेवीया गुणयात लुमंकाः ‘त्रायतृंसति भुवन’ नांया देवलोकय् वनाः स्वलातक अभिधम्म देशना याःगु खँ न्ह्यथनातःगु दु । कौलाथ्व पुन्हि […]

येँ – बहुप्रतिक्षित व चर्चित मेलम्चीया लः स्वनिगलय् हयेगु निंतिं अन्तिम चरणया ज्या ल्यं दनिगु सीदुगु दु । मेलम्ची खानेपानी आयोजनाया सुरुङया अन्तिम चरणया ज्या अझं ७ दशमलव ३ किलोमीटर ल्यं दनि । सुरुङ दुनेया धलान यायेु ज्या नं २९ प्रतिशत ल्यं दनि । सिन्धु, ग्याल्थुम व अम्बाथानसहतिया स्वंगू पहुँचमार्ग लिक्क थ्यनाच्वंगुलिं न्हिथंया ज्याय् तीव्रता बिया वन धाःसा […]