पद्मरत्न अस्पताल भर्ना

नेपालभाषा आन्दोलनया न्ह्यलुवा लिसें वरिष्ठ मानव अधिकारवादी नेता पद्मरत्न तुलाधर अस्पताल भर्ना जुयादीगु दु ।
शुक्रवाः येँया माइतीघरस्थित अन्नपूर्ण न्यूरो अस्पतालय् वय्कःयात भर्ना याःगु खः । वय्कःया छेँजःपिंसं धाः कथं वय्कःयात अस्पतालया सीसीयु युनिटय् तयाः वासः याका तःगु दु ।

चिकित्सकपाखें वय्कःया स्वास्थ्य परीक्षण सुरु जूगु दुसां रिपोर्ट धाःसा वःगु मदुनि । अब्जरभेसनया निंतिं निन्हु सीसीयुलय् तयेमालीगु खँ धाःगु दु । चिकित्सकं वय्कःयात हृदयाघात जूगु आशंका याःगु दु ।