संस्कृति

येँ – बालाचःह्रे कुन्हु पशुपतिइ बालागू छ्वइगु जूगु दु । तर थ्वया न्ह्यकुन्हु चान्हय् जुइगु दीपदान धाःसा याके मबीगु जूगु दु । पशुपति विकास कोषं कोरोना महामारीया कारणं पशुपति जःखः कछलागा त्रयोदशि कुन्हु चान्हय् जुइगु दीप दान याके मबीगु खँ धाःगु खः । तर भौतिक दूरी कायम यानाः पशुपतिया वनय् शतबिज ह्वलाः वनीगु बालू धाःसा छ्वयेगु खँ धाःगु […]

येँ (नेपालभाषा टाइम्स) – येँ महानगरपालिकाया प्रमुख विद्यासुन्दर शाक्यं थनया येँ मनपा वडा नं. १८ किलागःस्थित ह्याउँम्ह किसिया देगःया उलेज्या यानादीगु दु । उगु देगः येँ मनपाया चालु आर्थिक दँया बजेटपाखें निर्माण सम्पन्न जूगु खः । देगःया उलेज्या यानादिसें येँ मनपा प्रमुख शाक्यं सम्पदा पुनःनिर्माण, मर्मत सम्भार, संरक्षण व अज्याःगु संरचना ल्यंकेत वःगु छुं नं […]

ख्वप (नेपालभाषा टाइम्स) – ख्वपया ऐतिहासिक लानिपुखू पुनर्निर्माण यायेगु प्रतिवेदन तयार जूगु दु । ख्वपया ऐतिहासिक पुखू पुनर्निर्माणया निंतिं ख्वप नगरपालिकां संस्कृतिविद् प्रा डा.पुरुषोत्तमलोचन श्रेष्ठया संयोजकत्वय् पुखू दयेकेत अध्ययन समिति नीस्वंगु खः । समितिं पुखूया ऐतिहासिक पक्ष, मौलिक स्वरुपया अध्ययन लिपा प्रतिवेदन तयार याइगु खँ धाःगु दु । समितिं तयार याःगु प्रतिवेदन वंगु बुधवाः ख्वप […]

यल (नेपालभाषा टाइम्स) – यल महानगरपालिका वडा नं. १९ य् च्वंगु धार्मिक व ऐतिहासिक महत्वया प्राचीन अगिंमथः (अग्निशाला)य् सिजःया पल्लिं चिइगु जूगु दु। थौंकन्हय् अगिंमथःया जस्ताया पौ चिइकाः सिजःया पौ तयेत्यंगु खः । यल महानगरपालिकां सम्पदा संरक्षणया ज्यायात प्राथमिकताय् तयाः धार्मिक व सांस्कृतिक महत्वया अगिंमथय् उगु योजना न्ह्याकेत्यंगु खः । झण्डै प्यद्वः दँ न्ह्यः निर्माण जूगु […]

येँ (नेपालभाषा टाइम्स) – दँय्दसं सकिमिला पुन्हि कुन्हुनिसें न्ह्याइगु चाबही गणेद्यः (चन्द्र विनायक) व भैरवनाथया सिन्दुर जात्रा नं थुगुसी दिउगु दु । कोरोना महामारीया कारणं थुगुसी जात्रा मयासे विधि कथं पुजा जक याइगु खँ धाःगु दु । थ्यंमथ्यं स्वसःत्या दँ न्ह्यवंनिसें जुया वयाच्वंगु थ्व जात्रा पशुपति अमालकोट कचहरीया द्वारें गणेद्यःयाथाय् विशेष पुजा यायेधुंकाः सुरु जुइगु […]

येँ (नेपालभाषा टाइम्स) – पशुपतिइ द्यः दर्शन यायेत पुस १ गते निसें देगः चायेकीगु जूगु दु । कोरोना महामारीया कारणं पशुपतिइ दर्शन यायेगु बन्द यानातःगु खः । पशुपति विकास कोषं स्वास्थ्य मापदण्ड नालाः पशुपतिइ द्यः दर्शन याकेगु खँ धाःगु दु ।