बुखँ

येँ– निदँ न्ह्यव राष्ट्रपतिं शिलान्यास यानादीगु रानिपुखू पुनःनिर्माण सुरु जूगु खःसा वंगु कात्तिकय् हे देय्या राजधानीया नं नुगःचुइ लाःगु थ्व ऐतिहासिक सम्पदां पुनःजीवन चूलाकेधुंकूगु जुइ । सरकारं झिंच्याक्वःगु भुखाय् सुरक्षा दिवसय् लाकाः २०७२ माघ २ गते रानीपुखू व पुखूया दथुइ च्वंगु बालगोपालेश्वर देगः पुनःनिर्माणया निंतिं राष्ट्रपति विद्यादेवी भण्डारीया ल्हातं शिलान्यास याःगु खः । तर शिलान्यास […]

येँ (नेपालभाषा टाइम्स)– थौं घ्यःचाकु संल्हु देय्न्यंकं थीथी ज्याझ्वः यासें तःजिक हनाच्वंगु दु । घ्यःचाकु संल्हुकुन्हु नेवाःतय् मांपाखें छ्यनय् चिकं तयाः घ्यःचाकु नयाः निभाः पानाः हनी । थुकुन्हु नेवाःतय्स हाम्वःग्वारा, तिलौरा नं नयेगु चलन दु । थुकुन्हु नेवाःतय् पितृयात नकेगु धकाः घ्यःचाकु, माय्, पलः, तरु, चि, हलु, आलु, हाम्वःग्वारा, तिलौरा आदि तयाः  पुरोहितयात सिदा दान […]

पाकिस्तानं भारतं यायेफुगु छुं नं कथंया कारवाहीयात कयाः चेतावनी बिसें थःपिंके दुगु परमाणु हतियार पूर्वपाखें वइगु छुं नं कथंया खतरापाखें बचे जुइत विशेष रुपं तयार यानातयागु खँ धाःगु दु । भारतया स्थल सेना प्रमुख जनरल विपिन रावतं बुधवाः थःपिनि फौजा पाकिस्तानया परमाणु धम्की विरुद्ध ल्वायेत तयार दुगु व यदि सरकारं आदेश बिल धाःसा भारतीय सेना […]

अमेरिकी राष्ट्रपति डोनाल्ड ट्रम्प पूवंक स्वस्थ दुगु खँ ह्वाइट हाउसया चिकित्सकतय्सं धाःगु दु । राष्ट्रपति ट्रम्प मानसिक रुपं विरामी जुयाच्वंगु धयागु चर्चा जुयाच्वंगु इलय् ह्वाइट हाउसया चिकित्सकतय्सं थ्व खँ धाःगु खः । ७१ दँया ट्रम्पं राष्ट्रपति जुइधुंकाः न्हापांखुसी स्वास्थ्य परीक्षण याकेधुंकाः थ्व रिपोर्ट पिहां वःगु खः । शक्रवाः स्वघौ बिकाः सेनाया चिकित्सकतय्सं ट्रम्पया स्वास्थ्य परीक्षण […]

येँ (नेपालभाषा टाइम्स)÷एमालेया अध्यक्ष केपी ओली स्वास्थ्य उपचारया लागिं बैंकक वनाच्वंगुलिं माओवादीलिसे यायेमाःगु पार्टी एकीकरणया खँ व राष्ट्रिय सभाया चुनाव बारे जुइमाःगु वार्ता तकं स्थगित जूगु दु । न्ह्यःने वयाच्वंगु राष्ट्रिय सभा चुनावया लागिं सहमति दयेकेगु लागिं धकाः म्हिगः च्वंगु पार्टी एकीकरण समन्वय समितिया बैठकं छुं निर्णय याये मफुत । पार्टी एकीकरणया ज्या लिपा लाःसां न्ह्यःने वयाच्वंगु […]

राष्ट्रिय महत्वया परियोजना धयातःगु मेलम्ची वि.सं. २०५५ सालया कार्तिकं सुरु याःगु खः । अबले २३ अर्ब तका खर्च जुइ धकाः अनुमान यानातःगु थ्व परियोजनाया बजेट थहां वनाः आः २८ अर्ब तका थ्यनेधुंकूगु दु । थ्व परियोजना कथं १७ करोड लिटर लः फिल्टर यानाः तये फइगु थाय् दयेकेमाःगु खः । तर आः तक ८ करोड लिटर लः जक तये […]