स्वनिगः

येँ(नेपालभाषा टाइम्स)÷केसु भजन ज्ञान गुथिं लिपांगु इलय् लोपोन्मुख अवस्थाय् लानाच्वंगु मौलिक भजन संरक्षणया निंतिं नियमित रुपं भजन याना वयाच्वंगु च्यागू थीथी भजन खलः व न्याम्ह भजन स्रष्टायात सम्मान याःगु दु । गुथिं मौलिक भजन संरक्षणया निंतिं धासें छुं दिं न्ह्यः छगू ज्याझ्वः यासें नियमित रुपं भजन याना वयाच्वंगु खः भजन खलः व स्रष्टायात सम्मान याःगु खः । […]

ख्वप(नेपालभाषा टाइम्स)÷ बुद्ध जन्मस्थल लुम्बिनीइ छुं ई न्ह्यः भारतया धार्मिक गुरु मोरारी बापूपाखें जूगु रामकथा वाचन ज्याझ्वः धार्मिक अतिक्रमण जूगु थन जूगु छगू ज्याझ्वलय् नवानादीपिं वक्तातय्सं धाःगु दु । मैत्रेय युवा संघया २६ क्वःगु वार्षिकोत्सवलिसें दँमुँज्या ज्याझ्वलय् नवानादीपिं वक्तापिंसं बुद्ध जन्मस्थल थेंज्याःगु पवित्र थासय् जूगु उकथंया ज्याझ्वःयात धार्मिक अतिक्रमणया संज्ञा बिसे लुम्बिनी विकास कोषं नं अज्याःगु […]

ख्वप (नेपालभाषा टाइम्स)- ख्वप नगरपालिकां नं सतक पेटी कब्जा यानाः तयातःगु पसःया सामान व मोटरसाइकलत जफत यायेगु शुरु याःगु दु । सतक पेटीइ व सर्भिस ट्रयाकय् गुगुं नं कथंया सवारी साधन मतयेत व व्यापार व्यवसाय मयायेत नगरपालिकां तःक्वःमछि निर्देशन बिलं नं अटेर याःगुलिं ख्वप नपां मोटरसाइकल सहित सामान जफत याःगु खः । नगरपालिकाया अनुगमन समितिया संयोजक राजकृष्ण […]

ख्वप(नेपालभाषा टाइम्स)- नेवाः देय् दबू ख्वप जिल्ला समितिया न्हापांगु बुसादँ हंगु दु । थनया दत्तात्रय मा.वि.इ जूगु ज्याझ्वः देय् दबू ख्वप जिल्लाया नायः नरेश नेवाःया सभापतित्वय् जूगु खः । नांजाःम्ह साहित्यकार त्रिरत्न शाक्य मूपाहांकथं झायादीगु ज्याझ्वलय् विशेष पाहांकथं विराट नेपालभाषा साहित्य सम्मेलन गुथिया नायः महेन्द्रगोपाल कर्माचार्य, नेवाः गुथिया संस्थापक नायः डा. शान्तवीर सिंह तुलाधर झायादीगु खः । ज्याझ्वलय् […]

यल (नेपालभाषा टाइम्स)÷ नेवाः पत्रकार राष्ट्रिय दबूया झिंछक्वःगु स्थापना दिवस हंगु दु । स्थापना दिवसया झ्वलय् दबूया संस्थापक नायः श्रीकृष्ण महर्जनयात हंगु दुसा दबूया केन्द्रीय दुजः व केन्द्रीय सल्लाहकार समितिइ मनोनितपिंत दसिपौ लःल्हाःगु दु । दबूया केन्द्रीय दुजलय् विकास माली, भाइकाजी महर्जन, राजेश वज्राचार्य, पे्ररणा शाक्य, कविता श्रेष्ठ व रवि महर्जनयात मनोनित याःगु खः । […]

यल (नेपालभाषा टाइम्स)- ताम्रकार समाजं नेवाः पत्रकार राष्ट्रिय दबूया नवनिर्वाचित न्हूगु ज्यासना पुचःयात लसकुस यासें भिंतुना देछाःगु दु । समाजया थःगु हे भवन जावलाख्यःस्थित तमकः द्यःयाथाय् उगु ज्याझ्वः जूगु खः । समाजया नायः विनोद ताम्रकारं भाषा, कला, संस्कृति, सम्पदा व मौलिक परम्परा ल्यंकेगु ज्याय् राज्यसत्ताया गलत सोच व प्रवृत्ति हावि जुया वनाच्वंगु नापं सरोकारवालायात बेवास्ता याना वनेगु […]