स्वनिगः

येँ(नेपालभाषा टाइम्स)÷थनया श्री भाष्करदेव संस्कारित केशचन्द्र कृत पारावत महाविहार इतुंबहलय् संघदानया निंतिं छगू अक्षय कोष स्वनेगु ज्या जुल । महाविहारया बुसादँयाकुन्हु संघ दान यायेगु ल्याखं इतुंबहाःया संघ थाकुलि स्थविर सानुमान शाक्य, दिवंगत चन्द्रदेवी शाक्य व वय्कःया छेँजःपिंसं अक्षय कोष स्वनादीगु खः । जूगु ज्याझ्वलय् ८,८८,८८८.00 तका दांया अक्षय कोष स्वंगु खः । इतुंबहाःया मू थाय्पा मणिरत्न शाक्यं अक्षय […]

यल(नेपालभाषा टाइम्स)-कुति सौगः त्वालय् च्वंगु चन्द्र सूर्य पुस्तकालयं थःगु स्वर्ण महोत्सवया समापन छगू ज्याझ्वः यासें हंगु दु । दछियंकं थीथी ज्याझ्वः यासें स्वर्ण महोत्सव हंगु पुस्तकालयं महोत्सव समापन ज्याझ्वलय् थीथी व्यक्तित्वपिंत हनेज्या नं याःगु खः । वाङ्मय शताब्दी पुरुष सत्यमोहन जोशीया किपाय् स्वां देछासे न्ह्याःगु ज्याझ्वः पुस्तकालयया अध्यक्ष राजेश चित्रकारया सभपातित्वय् जूगु खः । भोलध्वाखाय् च्वंगु ज्यापु समाजया […]

येँ(नेपालभाषा टाइम्स)÷येँ महानगरपालिकाया ज्याकू काठमाडौं प्लाजाय् तयेगु निंतिं सरसामानत ल्ह्येगु शुरु जूगु दु । थनया बागदरवारस्थित जेडीए कम्प्लेक्सय् च्वंगु महानगरया ज्याकू व थीथी कक्षत स्यंकाः काठमाडौं प्लाजाय् तये यंकेगु शुरु याःगु खः । कम्प्लेक्सया न्यागूगु तल्लाय् च्वंगु वित्त विभाग, आन्तरिक लेखा परीक्षण एकाइ, खुगूगु तल्लाय् दुगु प्रशासनय विभाग, प्रमुख प्रशासकीय अधिकृतया सचिवालय, अन्तर्राष्ट्रिय सम्बन्ध सचिवालयया ज्याकूलिसें कक्षत […]

येँ (नेपालभाषा टाइम्स)-थानकोट लागाय् च्वनादीम्ह भाषासेवी सूर्यबहादुर नकर्मी म्हीग आकाझाकां मंत । ८२ दँ दुम्ह वय्कःयात हृदयाघात जुयाः बल्खुया वयोधा अस्पतालय् भर्ना याःगु खःसा विहीवाः बहनी वासः याकुयाकुं मदुगु खः । वय्कः नेपाली सेनां बेपत्ता यानातःम्ह माओवादी कार्यकर्ता निश्चल नकर्मीया अबु खः । निश्चलया अवस्था गय् गथे दु धकाःआःतक सरकारं छुं नं विवरण सार्वजनिक याःगु मदुनि । मदुम्ह नकर्मी […]

येँ (नेपालभाषा टाइम्स)÷मध्यपुर थिमि नगरपालिकां बिस्काः जात्रा हनेगु नितिं म्हिगःनिसें वइगु वैशाख ३ गते तक सार्वजनिक बिदा बिउगु दु । थिमिइ न्यायेकीगु ऐतिहासिक सांस्कृतिक जात्रा तःजिक न्यायेकेगु निंतिं नगरपालिकां प्यन्हु तक सार्वजनिक बिदा बिउगु खः । नगरपालिकाया उपमेयर विजयकृष्ण श्रेष्ठया कथं बिस्काः जात्रा थिमिइ तःजिक न्यायेकीगु जूगुलिं सार्वजनिक विदा बीगु निर्णय जूगु खः । थिमिया बासिन्दाया नितिं तःजिगु […]

ख्वप(नेपालभाषा टाइम्स)- मैत्रेय युवा संघया ग्वसालय् बुद्ध शिक्षाया आधारभूत तालिम शुरु जूगु दु । थेरवाद बुद्धिस्ट एकेदेमिया प्रिन्सिपललिसें विश्वशान्ति विहारया श्रद्धेय भिक्षु निग्रोध महास्थविरं शनिवाः जूगु छगू ज्याझ्वःया दथुइ दीप प्रज्वलन यासे तालिमया उलेज्या याना बिज्याःगु खः । पंचशील ग्रहण यासें न्ह्याःगु ज्याझ्वलय् तालिमया संयोजक लक्ष्मीचन्द्र वज्राचार्यं लसकुस यानादीगु खः भिक्षु निग्रोधं तालिमया विषय काःघानाः धर्मोपदेश बियाबिज्याःगु […]