स्वनिगः

यल – नेवाः ख्यः व नेपालभाषा साहित्यया म्हसीका बीगु नापं उकिया विकास याना यंकेगु उद्देश्यं नेपालमण्डल साहित्य प्रतिष्ठान नीस्वंगु दु । थन जूगु छगू भेलां बद्री वेदनाया अध्यक्षताय् नीम्हेसिया छगू ज्यासना पुचः नं नीस्वंगु खः । प्रतिष्ठानया उपाध्यक्षय् सगेन्द्र महर्जन, प्रदीपरत्न शाक्य, निर्मला श्रेष्ठ व प्रेम के. निदर च्वनादीगु दुसा महासचिवय् नरेन्द्र श्रेष्ठ, सचिवय् सुजिता माःजु, कोषाध्यक्षय् […]

सम्पदा बचाउ अभियानय् लगे जुयाच्वंगु निगू दर्जन स्वयां अप्वः स्थानीय ब्यक्तितय्सं पुरातत्व विभागया सिनियर डिभिजनल इन्जिनियर सम्पत घिमिरे, येँ महानगरपालिकाया भौतिक पूर्वाधार विकास विभागया निर्देशक उत्तरकुमार रेग्मी व वल्र्डवाइड कँडेल जे.भिया ठेकेदार अर्जुन कँडेलयात विपक्षी दयेकाः सरकारी मुद्दा सम्बन्धी ऐन, २०४९ या दफा ३ (१) कथं फौजदारी मुद्दा महानगरीय प्रहरी ज्याकू, टेकुइ दर्ता याःगु दु । […]

यल – थनया ऐतिहासिक नगरी ख्वनाय् फास्ट ट्राय्क दयेकेगु ज्यायात स्थानीय जनतां विरोध याःगु दु । थ्व झ्वलय् स्थानीय जनतां फास्ट ट्राय्क दयेकेगु ज्याया जिम्मा काःगु नेपाली सेनाया जवानतय् विरुद्ध नाराबाजी समेत यायेगु ज्या जूगु दु । फास्ट ट्राय्कया ज्या न्ह्याकेगु लागिं वंगु छुं न्हि न्ह्यवंनिसें अन च्वंगु थीथी लागाय् सेनाया टेन्ट तयेगु ज्या न्ह्यानाच्वंगु दु । थ्व […]

येँ – येँ देय्या वज्राचार्य गुरुजुपिं मध्ये दकलय् थकालिम्ह चक्रेश्वर शाक्यमुनि वज्राचार्ययात आइतवाः देय्थाय्पा मुखः पुइकाः ‘मूलचक्रेश्वराभिषेक’ याःगु दु । क्वाबहालय् जूगु छगू ज्याझ्वलय् राजगुरुजु मञ्जुश्री रत्न वज्राचार्यं मुखः पुइकाः देथाय्पा लुइगु ज्या यानादीगु खः । ज्याझ्वलय् येँ देय्या झिंच्यागू मू बहाःया चक्रेश्वरपिं, झिंखुगू बहीया मूथाय्पा, थाय्पाजुपिं, झिगू शाक्य बहाःया थाय्पाजुपिं, यल, ख्वप, किपू, थिमिया मू थाय्पा […]

यल – थनया शाक्यसिंह विहारय् च्वनाबिज्याइम्ह भिक्षु धर्मपाल महास्थविर म्हिगः सुथय् आकाझाकां मंत । क्यान्सर ल्वचं कयाच्वंम्ह वसपोल म्हिगः सुथय् ८ः१० बजे हरिसिद्धिया क्यान्सर अस्पतालय् मदुगु खः । वसपोल ६२ दँ दुम्ह खः । बुद्ध धर्मयात देशविदेशय् प्रचार यायेगु ज्याय् आपालं योगदान दुम्ह वसपोलया गृहस्थ नां माधव तण्डुकार खःसा येँया बलम्बुइ वसपोलया जन्म जूगु खः । वसपोलं नेपाःया संघनायक […]

येँ–पुरातत्व विभागं डिजाइन छ्वया मबीवं न्हूपुखू पुनःनिर्माणया ज्या थातिं लानाच्वंगु दु । न्हूपुखू पुनःनिर्माणया निंतिं पुरातत्व विभागं डिजाइन छ्वया हयेमाःगु खःसा विभागं डिजाइन छ्वया मबिउगुलिं पुनःनिर्माणया ज्या न्ह्याये फयाच्वंगु मदु । येँ महानगरपालिकां निर्माण यानाच्वंगु न्हूपुखू पुनःनिर्माणय् आधुनिक ज्वलं छ्यःगु धासें सम्पदाप्रेमीतय्सं चिउताः प्वंकेवं पुनःनिर्माण हे विवादय् लानाच्वंगु खः । न्हूपुखू प्रताप मल्लकालीन शैलीं हे पुनःनिर्माण जुइमाः धइगु […]