स्वनिगः

ख्वप – नव दुर्गा जात्रा सञ्चालन यायेत आर्थिक समस्या जुयाच्वंगु दु । म्हिगः नवदुर्गा भवानीया दर्शन यायेत झाःम्ह राष्ट्रपति विद्यादेवी भण्डारीयात जात्रा यायेत माःगु खर्च गनं नं मवःगुलिं समस्या जूगु खँ देवगणपिंसं धाःगु खः । देवगणं नवदुर्गा जात्रा व खर्च चले यायेत आर्थिक समस्या जूगु व देवगणया अवस्था नं कमजोर जुया वनाच्वंगुलिं सरकारं उचित व्यवस्थापन […]

येँ – बसन्तपुर दरवार लागाय् पर्यटक अप्वयेवं अनया आम्दानी नं अप्वःगु दु । म्हिगः मंगलवाः छन्हुं जक १३ लाख तका आम्दानी जूगु खँ बसन्तपुर दरवार क्षेत्र संरक्षण कार्यक्रमं धाःगु दु । थ्व आः तक दकलय् अप्वः छन्हुं आम्दानी जूगु ध्यबा खः । तःभुखाचय् लिपा पुनर्निर्माण जुयाच्वंगु इलय् पर्यटकया ल्याः अप्वयाः आम्दानी नं अप्वःगु खः । दरवार क्षेत्र चाःहिलेत वइपिं […]

यल – यल महानगरपालिकाय् थप जूगु न्हून्हूगु वडाय् आः धःया व्यवस्थापन याइगु जूगु दु । महानगरपालिकाय् स्वाःवःगु साविक गाविसया सतक व वयां जःलाखःलाय् लाथेपाथे ढंगं फोहर जूगुलिं महानगरपालिकां धःया व्यवस्थापन यायेत्यंगु खः । यल मनपां थुगु दँय् धः व्यवस्थापन यायेगु निंतिं १० करोड बजेट फ्याःगु खँ मनपाया प्रवक्ता राजु महर्जनं कनादिल । नगरया दुनेया ब्व लिसें चक्रपथ पिनेया […]

येँ – वरिष्ठ फोटोग्राफर राजभाई सुवालया क्रियटिभ दि स्टुडियोपाखें पिकाःगु नेपाल संवत् न्हूदँ ११३९ या क्यालेन्डर मंगलवाः छगू ज्याझ्वःया दथुइ विमोचन जुल । वरिष्ठ फोटोग्राफर सुवालया लिसें क्यालेन्डरया मोडल सृष्टि महर्जन, तिथि क्वःछिनादीम्ह दैवेज्ञ ज्योतिष ज्ञानेन्द्र प्रसाद जोशी व तिथि लिपि च्वयादीम्ह सुनिता डंगोलं मंकाः कथं क्यालेन्डरया विमोचन यानादीगु खः । ज्याझ्वलय् न्ववानादिसें सुवालं थुगुसीया क्यालेन्डर पञ्चतत्वय् […]

ख्वप – विराट नेपालभाषा साहित्य सम्मेलन गुथिया ग्वसालय् थनया भक्तपुर पार्टी भेन्यू गःपलिइ न्ह्याःगु न्यय्न्हय्क्वःगु विराट नेपालभाषा साहित्य सम्मेलनय् विराट गुथिया संस्थापक व सल्लाहकार कवि योगेन्द्र प्रधानयात अभिनन्दन पौ लःल्हासें हनेज्या याःगु दु । ७७ दँया बैंसय् थ्यने धुंकूम्ह वय्कःयात विराट गुथिपाखें प्रदीप शाक्य, नेपाल साहित्य मन्दिरपाखें तिलकप्रकाश कायस्थ, कुतः पिकाकपाखें विमल ताम्राकार, याताजःपाखें सौरभ शाक्य, […]

ख्वप – नेपाल मजदुर किसान पार्टीया केन्द्रीय अध्यक्ष नारायणमान बिजुक्छेँ रोहितं नेपालभाषाया माध्यमं हे पत्रकारिता यायेत बः बियादीगु दु । स्वीच्याक्वःगु नेपालभाषा साहित्य तःमुँज्याय् उत्कृष्ट साहित्यिक स्रष्टातय्त सिरपाः लःल्हानादिसें वय्कलं नेपालभाषा स्यलाक्क ल्हाये मसःगु व ब्वने मसःगु कारण न्हियान्हिथं ब्वनेगु व च्वयेगु अभ्यास मदुगुलिं खः धयादिसें यदि नेपालभाषां ब्वनेगु न्हिपौ, वाःपौ नापं भाषिक पत्रकारितायात च्वन्ह्याके फत […]