स्वनिगः

येँ – येँ महानगरपालिकाया मेयर विद्यासुन्दर शाक्यं स्वनिगलय् कोरोना संक्रमितत अप्वयाच्वंगु धासें स्वनिगःयात बचे यायेगु खःसा पिसिआर परीक्षण जक अप्वयेकेगु मखुकि नाका निं न्हापां बन्द यायेमाः धयादीगु दु । श्रीघलय् च्वंगु धर्मकीर्ति विहारय् बौद्ध परियत्ति शिक्षाया विद्यार्थीपिंत सिरपाः लःल्हायेगु ज्याझ्वलय् न्ववानादिसें वय्कलं थ्व खँ धयादीगु खः । पिसिआर परीक्षण अप्वयेके माल धकाः सः तच्वया वयाच्वंगु […]

किपू – विश्व स्तनपान दिवसया लसताय् लाकाः कीपू नगरपालिकाया अम्लसीइ च्वंगु न्हूगु भवनय् स्तनपान कक्ष नीस्वंगु दु । किपू नगरपालिकाया मेयर रमेश महर्जनं शुक्रवाः छगू ज्याझ्वःया दथुइ उगु कक्षया उलेज्या यानादिल । थ्व कक्षय् सेवाग्राही मांपिं लिसें नगरपालिकाया कर्मचारीतय्सं सहज रुपं थः मस्तय्त मांया दुरु त्वंकेफइगु खँ नगरपालिकाया उपमेयर सरस्वती खड्कां धयादिल । अथेहे किपू […]

किपू (नेपालभाषा टाइम्स) – किपू नगरपालिकां हे किपू नगरपालिका दुने जुइगु घरजग्गाया नामासारी यायेगु लिसें फुक्कं ज्या क्वचायेकेगु तयारी यानाच्वंगु दु। आवंनिसें छेँ बुँ मीमाःसा कलंकीया मालपोत कार्यालय वनेम्वायेक नगरपालिका दुने हे फुक्कं कथंया ज्या क्वचायेकेगु कथं नगरपालिकां तयारी यानाच्वंगु खँ किपू नगरपालिका-२ या वडाध्यक्ष रमेश डंगोलं कनादीगु दु । जग्गा नामसारी यायेगु निंतिं यायेमाःगु […]

येँ – वंगु २४ घण्टाया दुने स्वनिगलय् जक १ सय ६ म्हेसित कोरोना भाइरस संक्रमणया पुष्टि जूगु दु । स्वास्थ्य तथा जनसंख्या मन्त्रालयया कथं मध्ये येँय् ९२ म्ह, यलय् १० म्ह व ख्वपय् ४ म्हेसित संक्रमण जूगु खः । स्वनिगलय् सच्छि नं मल्याक संक्रमितत खनेदुगु थ्वहे न्हापांगु खुसी खः । थ्वस्वयां न्ह्यः बिहीवाः स्वनिगलय् ८६ […]

येँ – येँया प्रमुख जिल्ला अधिकारी (सिडिओ) जनकराज दाहालं येँया महाबौद्ध, टेकु लागा सिल यायेगु खँ धयादीगु दु । थौं येँ, यल व ख्वप जिल्लाया सिडिओतय् मंकाः बैठक लिपा दाहालं येँया महाबौद्ध, टेकु लागा सिल यायेगु खँ धयादीगु खः । उगु बैठकय् गन गन कोरोनाया संक्रमण अप्वः खनेदु, अन अन सिल यायेगु क्वःछिउगु खः । […]

येँ– येँ महानगरपालिका २२ वडाय् लाःगु वटुया चिकंअतः छम्ह व क्वय्लागल्लीइ छम्ह यानाः निम्हेसिके कोरोना भाइरस खनेदुगु दु । अथेहे वटुइ हे मेम्ह छम्हेसिके नं कोरोना संक्रमण दुगु खँ वयाच्वंसां उकिया पुष्टि धाःसा मजूनिगु खँ येँ मनपा २२ वडाया अध्यक्ष चिनिकाजी महर्जनं कनादीगु दु । वय्कःया कथं संक्रमण पुष्टि जुइधुंकूपिं निम्ह मध्ये छम्हेसित अस्पताल यंकेधुंकूगु […]