स्वनिगः

येँ – नेपालभाषा टाइम्सया ग्वाहालिमि लिसें नेवाः देय् दबूया पुलांम्ह दुजः सुदर्शना दर्शनधारीया जहान भाजु श्याम कार्की म्हिगः मंत । वय्कः ताःई न्ह्यवंनिसें क्यान्सर ल्वचं कयाः उसाँय् मदयाच्वंम्ह खः । वय्कः न्हापा नेपाली सेनाया सेवाय् दीम्ह खः । वय्कःपिनि काय छम्ह व म्ह्याय् छम्ह दी ।

येँ (नेपालभाषा टाइम्स) – बुंग व खोनाय् दयेकाच्वंगु फास्ट ट्रयाकयात कयाः थौं सर्वोच्च अदालतं निर्णय बी फइगु खँ धाःगु दु । वंगु दत्या न्ह्यः खोना बुंगमति फास्ट ट्रायक पीडित संघर्ष समितिं सर्वोच्च अदालतय् रिट दायर याःगु खः । उगु इलय् समितिं फास्ट ट्रायक दयेकेगु ज्या दिकेमाःगु माग यासें अन्तरिम आदेश जारी यायेमाःगु माग याःगु खः […]

येँ (नेपालभाषा टाइम्स) – शनिवाः चान्हय् थिमिइ छगः कार बांमलाक दुर्घटना जुइवं छम्ह सीगु दु । ख्वपं येँपाखे तसकं ब्वाका हःगु ८ च ४७५६ नम्बरया कार कौशलटारय् सतक दथुइ च्वंगु नँया रेलिङ्गयात त्वाःथलाः लँ सिथय् च्वंगु सिमेन्टया थामय् न्यांवंगु खः । दुर्घटनाय् लानाः येँ महानगरपालिका ४ वडा धुम्बाराहीइ च्वंम्ह स्वीदँया रिया श्रेष्ठ सीगु खः । […]

येँ – ब्लड डोनार्स एशोसियसन नेपाल (ब्लोदान) केन्द्र व येँ मध्य क्षेत्रया आह्वानय् श्वेत भैरव ल्याय्म्ह पुचः व जागरुक युवा समाजया ग्वसालय् म्हिगः न्यतय् हिदान ज्याझ्वः जुल । येँ महानगरपालिका १८ वडा व नरदेवी बचत तथा ऋण सहकारी संस्थाया ग्वाहालिं जूगु ज्याझ्वलय् ५१ म्हेसिनं हिदान यानादीगु खः । ज्याझ्वलय् न्याम्हेसिनं प्लाज्मा दान नं याःगु खः […]

येँ (नेपालभाषा टाइम्स) – धर्मकीर्ति महाविहार श्रीघः विस्तारित भवन शिलान्यास जूगु दु । म्हिगः छगू ज्याझ्वःया दथुइ येँ महानगरपालिकाया मेयर विद्यासुन्दर शाक्यं सिलान्यास यानादीगु खः । ज्याझ्वलय् न्ववानादिसें मेयर शाक्य सम्पदा संरक्षणया ज्यायात महानगरपालिकां प्राथमिकताय् तयाः निर्माण पुनर्निर्माण थेंज्याःगु ज्या यानाच्वंगु दु धासें धयादीगु दु, ‘क्वाःपाः द्यःछेँ, बहाः, बही, सतः थेंज्याःगु सांस्कृतिक सम्पदा निर्माण, पुनर्निर्माण […]

येँ (नेपालभाषा टाइम्स) – बालाजुइ जुयाच्वंगु सतक विस्तार विरुद्ध संघर्ष यानाच्वंपिं पीडिततय्सं म्हिगः बालाजुइ शहरी विकास राज्यमन्त्री रामवीर मानन्धरया छेँ न्ह्यःने प्रदर्शन यात । पीडिततय्सं अन राज्यमन्त्री मानन्धरया पुतला नं च्याकूगु खः । उपत्यकाव्यापी सतक विस्तार पीडित संघर्ष समितिया संयोजकत्वय् अन प्रदर्शन जूगु खः । प्रदर्शनकारीतय्सं अन उपत्यका विकास प्राधिकरणं थुना बिउगु छेँ दुगु जग्गाय् […]