स्वनिगः

कलाकारलिसें निर्देशक सुरज नापितया निगू म्युजिक भिडियो छक्वलं सार्वजनिक जूगु दु । वंगु शनिवाः थन पूच्वय् च्वंगु एम्बियन्स ३६५ य् जूगु छगू ज्याझ्वःया दथुइ उगु म्युजिक भिडियो सार्वजनिक याःगु खः । नेपालभाषा म्युजिक भिडियो ख्यलय् लोकंह्वाःम्ह कलाकारनापं निर्देशक नापितया ‘छंगु हिसि दुगु ख्वा …..’ व ‘ए जि यःम्ह तिमिला …..’ निपु म्येँया म्युजिक भिडियो सार्वजनिक याःगु खः । […]

येँ- स्वयम्भू धिमेल्वहंस्थित आनन्दभुवन विहार पुनःनिर्माण जुइगु जूगु दु । २०७२ साल बैशाख १२ गतेया तःभुखाचं क्षतिग्रस्त जूगु विहार पुनःनिर्माणया निंतिं जग स्वनेगु ज्या जूगु दु । येँ महानगरपालिकाया प्रमुख विद्यासुन्दर शाक्यं विहार पुनःनिर्माणया निंतिं बौद्ध परम्पराकथं जग स्वनेगु ज्या यानादीगु खः । उगु इलय् येँ मनपा प्रमुख शाक्यं महानगर दुनेया मूर्त, अमूर्त सम्पदा संरक्षण व उकियात ल्यकेगु […]

येँ – थनया थँबहिली च्वंगु विवादास्पद छायादेवी कम्प्लेक्सय् थौं शुभमुहूर्त जुइत्यंगु छगू नेवाः फिल्मया ज्याझ्वः अन मयायेत सम्पदाप्रेमितय्सं इनाप याःगु दु । नेवाः राजनीतिक अभियानया नायः श्रीकृष्ण मानन्धरं थन छगू वक्तव्य पिकासें नेवाःतय्गु सम्पदा पलेस्वां पुखू मासे यानाः निर्माण यानातःगु छायादेवी कम्प्लेक्सय् नेवाः फिल्मया ज्याझ्वः यायेगु धइगु नेवाः सम्पदाप्रेमितय्त हतोत्साहित यायेगु ज्या खः धाःगु दु । अन […]

येँ – येँ महानगरपालिकां महानगर दुने लाःगु मू मू सतकय् ततःप्वाःगु आधुनिक मत च्याकीगु जूगु दु । महानगरं थ्व हे आर्थिक दँया दुने ५० गू मू मू सतकया दुवातय् रंगशालाय् च्याकीगु थेंज्याःगु ततःप्वाःगु मत जडान यायेत्यंगु खः । मत जडान यायेगु निंतिं येँ महानगरपालिका, नेपाल विद्युत प्राधिकरण व सतक विभागया दथुइ वंगु बिहिवाः सहमतिपत्रय् हस्ताक्षर नं जुइधुंकूगु […]

येँ (नेपालभाषा टाइम्स)÷ नेपालभाषायात ल्यंकेगु खःसा मचांनिसें स्कुलय् नेपालभाषां ब्वंकेमाः धकाः अभियान न्ह्याका वयाच्वनादीम्ह भाषासेवी लिसें उद्योगपति लक्ष्मीदास मानन्धरयात ‘हेमराज सिरपाः’ लःल्हाःगु दु । लोकसाहित्य परिषद्ं निदँय् छक्वः बिया वयाच्वंगु संस्कृतिविद्, भाषासेवी, लिपि विशेषज्ञ पं. हेमराज शाक्यया नामं नीस्वनातःगु प्रतिष्ठित सिरपाः मातृभाषा शिक्षायात क्वातुक न्ह्यःने न्ह्याकेगु ज्याय् बिया वयाच्वंगु योगदानयात च्वछासें भाषासेवी मानन्धरयात लःल्हाःगु खः । […]

येँ – येँ महानगरपालिकां दँय्दसं थें थुगुसी नं येँ नगरया परम्परागत बाजंगुरुपिंत हनीगु जूगु दु । थुगुसी येँ मनपां सम्मानित बाजंगुरुपिंत म्हतिं स्वीद्वः स्वीद्वः तका बीगु जूगु दु । येँ महानगर दिवसया लसताय् येँ महानगरपालिका पाखें दँय्दसं परम्परागत बाजंगुरुपिंत हनेगु याना वयाच्वंगु खःसा थगुने तक म्हतिं नीन्याद्वः तका बिया वयाच्वंगु खः । कन्हय् जुइगु २६ […]