स्वनिगः

ख्वप- मैत्रेय युवा संघया परियत्ति ब्वँमिपिनिगु दथुइ आन्तरिक वक्तृत्व धेंधेंबल्लाः जुल । अखिल नेपाल भिक्षु महासंघपाखें न्ह्यानाच्वंगु नेपाल बौद्ध परियत्ति शिक्षा ब्वँमि विद्यार्थी पिनिगु व्यक्तित्व सुथां लाकेगु तातुनाः संघपाखें उकथं वक्तृत्वकला कासा याःगु खः । मैत्रेय परियत्ति केन्द्रया केन्द्राध्यक्ष तीर्थराज वज्राचार्यया सभापतित्वय् पंचशील ग्रहण यासें न्ह्याःगु ज्याझ्वलय् मूपाहांकथं भिक्षु अर्जुन बिज्याःगु खः । संचित बुद्धाचार्यं लसकुस यानादीगु ज्याझ्वलय् […]

येँ – येँ महानगरपालिकाया ग्वाहालिइ मेयर कप क्रिकेट कासा जुइगु जूगु दु । नेपाल क्रिकेट संघ क्यानया व्यवस्थापनय् जुइगु थ्व धेंधेंबल्लाः ५०-५० ओभरया एकदिवसीय स्वरुपया जुइ । कासा थ्व हे चैत मसान्त तकया दुने न्ह्याइगु खँ धाःगु दु । कासाया निंतिं म्हिगः येँ महानगरपालिका व क्यान दथुइ छगू सम्झौता जूगु दु । सम्झौता कथं येँ महानगरपालिकां थ्व कासाया निंतिं

ख्वप- थनया नवदुर्गा द्यःप्याखंया देवगणयात सक्वय् बिज्याकूगु दु । सक्वय् प्यन्हुतक प्याखं क्यनेमाःगु परम्पराकथं वंगु शुक्रवाः हे नवदुर्गा द्यःगंछियात बिज्याकूगु खः। सक्वय् नं नवदुर्गा द्यःया न्या लाकेगु जात्राकथं वंगु आइतवाः साल्खा त्वालय्, सोमवाः क्वाथस्थित तलेजुइ न्या लाकेगु जात्रा जूगु खः। नवदुर्गा द्यः प्यन्हुतक थन च्वनेधुंकाः न्यान्हुकुन्हु चाँगुनारायण यंकेगु चलन दु । सक्वय् थौंकन्हय् माधवनारायणया धलं दनेगु ज्या […]

येँ- येँ महानगरपालिका वडा नं. १ स्थित कलमपुखू लागाया जःखःया संरचना थुना बिउगु दु । येँ महानगरपालिकां कमलपुखू विस्तार यायेगु योजनाकथं पुखू जःखःया भौतिक संरचना थुना बिउगु खः । वंगु आइतवाः कमलपुखूया लागा विस्तार यायेगु योजना कथं पुखू लिक्कसं लाःगु महानगरीय प्रहरी वृत्त कमलपुखू, कमलपोखरी स्पोर्ट क्लब, राधे राधे सतः लगायतया भौतिक संरचनात थुना बिउगु खः । कमलपुखूया […]

किपू – मालपोत ज्याकुथिं हे स्थानीय निकायया स्वीकृति मदयेक हे जग्गा खण्डीकरण यायेगु ज्यायात साथ बियाच्वंगु खँ धाःगु दु । किपू नगरपालिकाया उपमेयर सरस्वती रिजालं म्हिगः नगरपालिकाया नियमित पत्रकार सम्मेलनय् न्ववासें किपुली जग्गा प्लटिङ याइपिंसं स्थानीय निकाययाके स्वीकृति तकं मकासे थः यथे डोजर चले यानाच्वंगु खँ धासें थज्याःगु ज्याय् मालपोत ज्याकुथिं तकं साथ बियाच्वंगु खँ धयादीगु […]

येँ मनपाया मेयर विद्यासुन्दर शाक्यं म्हिगः छगू ज्याझ्वःया दथुइ नेवाः पत्रकार राष्ट्रिय दबू येँ जिल्ला कचाया ज्याकू उलेज्या यानादिल । थनया लखतीर्थय् पत्रकार दबू येँ जिल्लाया ज्याकू चायेकूगु खः । मेयर शाक्यं रिबन चानाः ज्याकूया उलेज्या यानादीगु खः । पत्रकार दबू येँ जिल्ला कचाया नायः अर्बिन मान सिंया सभापतित्वय् जूगु उगु ज्याझ्वलय् दबूया केन्द्रीय नायः सुरजवीर वज्राचार्य लिसें […]