स्वनिगः

यल- ताः ईया विवाद लिपा पूच्वय् च्वंगु ‘समय् फल्चा’ या म्हिगः शिलान्यास जुल । म्हिगः यल महानगरपालिकाया मेयर चिरिबाबु महर्जनं उगु फल्चा शिलान्यास यानादीगु खः । विसं २०२९ सालय् दुनावंगु फल्चा २०५७ सालय् श्याम मलेगु व लक्ष्मी महर्जन सहित स्थानीय जनतां दयेकेत स्वःगु खःसां अन दुगु लालीगुराँस बहुउद्देश्यीय सहकारी संस्थां अदालतय् मुद्दा तयाः ज्या पना बिउगु खः । […]

यल- यल महानगरपालिका वडा नं. १६ पाखें थनया अतिकं नांजाःगु धार्मिक सांस्कृतिक महत्वया भिंद्यः जात्राया निंतिं आर्थिक ग्वाहालि याःगु दु । यल मनपा १६ वडापाखें भिंद्यः जात्राया निंतिं न्यागू लख तका आर्थिक ग्वाहालि याःगु खः । थनया थीथी धार्मिक, सांस्कृतिक सम्पदायात आर्थिक ग्वाहालि याना वयाच्वंगु वडापाखें अमूर्त सांस्कृतिक सम्पदा संरक्षणया निंतिं उकथं आर्थिक ग्वाहालि याःगु खः । यल […]

येँ – येँ महानगर नं साक्षर नगर जूगु दु । वंगु सोमवाः येँ महानगरयात साक्षर नगर घोषणा याःगु खः । थनया भृकुटीमण्डपय् च्वंगु पद्मोदय माध्यमिक विद्यालयय् छगू औपचारिक ज्याझ्वः यासें येँ महानगरयात साक्षर नगर घोषणा याःगु खः । पद्मोदयय् जूगु औपचारिक ज्याझ्वलय् येँ महानगरयात ‘सांस्कृतिक सहर, साक्षर काठमाडौं महानगर’ घोषणा याःगु खः । केन्द्रीय तथ्यांक विभागयाकथं ०६८ सालया तथ्यांककथं […]

किपू- किपू नगरपालिका वडा नं. ३ समल त्वालय् च्वंगु ऐतिहासिक झिंनिदां तं व कुतिसाः त्वालय् च्वंगु फल्चा पुनःनिर्माण क्वचाःगु दु । पुनःनिर्माण क्वचाःगु झिंनिदां तं व फल्चाया वंगु वालय् उलेज्या याःगु खः । किपू नगरपालिकाया प्रमुख रमेश महर्जनं झिंनिदां तं व फल्चाया उलेज्या यानादीगु खः । फल्चा उलेज्या लिपा जूगु ज्याझ्वलय् नवासें मूपाहां नगर प्रमुख महर्जनं फल्चाय् च्वनाः […]

येँ- थनया सीघलय् च्वंगु चिभाः चैत्य भिंकेज्या जूगु दु । चीभाः चैत्यया संरक्षण यायेगु ल्याखं सक्रिय चीभाः चैत्य संस्थापाखें सीघलय् च्वंगु श्री शान्तिघट वज्रधातु चैत्य महाविहारया चैत्य चीभाः भिंकेज्या याःगु खः । संस्थापाखें सीघलय् च्वंगु झिंनिगः चीभाः चैत्यया स्यनाच्वंगु गजू दयेकेगु नापं आवश्यककथं भिंकेज्या याःगु खः । महाविहार संघया नायः शुभकाजी शाक्यं सीघः बहाःया चैत्यया गजूत धमाधम स्यना […]

यल- यल महानगरपालिकाया नगर प्रहरीयात नेपालभाषा प्रशिक्षण बिउगु दु । महानगरपालिका अन्तर्गतया नगर सुरक्षा, सामाजिक गतिविधिइ सनाच्वंपिं नगर प्रहरीया निंतिं नेपालभाषा प्रशिक्षण बीगु ज्या जूगु खः । यल महानगरपालिकाय् न्ह्यानाच्वंगु कक्षाय् न्हय्च्याम्ह नगर प्रहरीं नेपालभाषा प्रशिक्षण कयाच्वंगु दु । बाःछियंकं न्ह्याइगु कक्षाय् झिंप्यम्ह मिसापिं सहभागि जुयाच्वंगु दुसा नेवाः भाय् छफुति हे मसःपिं नं प्रशिक्षणय् उत्साहपूर्वक ब्वति कयाच्वंगु दु । […]