बिचाः

स्वनिगलय् नेवाः भाषा, नेवाः संस्कृति, नेवाः समाजनिसें नेवाः सभ्यता विकास याःपिं नेवाःत खः । थनया सभ्यतायात हे नेवाः सभ्यता धायेमाःगु खः तर गुलिं गुलिं नेवाः विद्वान्पिसं तकं बागमती सभ्यता धायेगु यानाच्वंगु दु । बागमती खुसि सभ्यतानाप स्वाइगु विषय खः अले खुसि नापनापं हे मनू च्वनीगु नापं सभ्यता विकास याइगु खः । तर स्वनिगःया सन्दर्भय् धायेगु खःसा बागमती खुसिया […]

ज्ञानेन्द्र शाहं नेपाःया राजगद्दी त्वःतुगु झिंस्वदँ दयेधुंकल । अयेनं ज्ञानेन्द्र शाहपाखें आवश्यक जूसाः जनतां बिउगु जिम्मेवारी कायेत थः तयार जूगु अभिव्यक्ति वयेगु यानाच्वंगु दु । थज्याःगु अभिव्यक्तिया छगू जक अर्थ खः – वातावरण अनूकुल जूसाः ज्ञानेन्द्र अझ नं राजगद्दी च्वनेत तयार । ज्ञानेन्द्र शाहं प्वंकीगु थुगु बिचाः धइगु वयाः थः कार्यकर्ता व सुभचिन्तकतय् निंतिं छगू आशाया संचार खः । […]

ख्वनाया जनतां विरोध याःगु यात स्वयाः नेपाली सेनां ख्वनाया सिकालि देगः व कुदेश क्षेत्र त्वःताः फास्ट ट्राय्कया न्हूगु रेखांकन स्वीकृत यानाः पिथन । तर थुकी नेवाः नेतृत्वया प्रतिक्रिया छु? थ्वयां न्ह्यः गुथि विधेयक सरकारं लित काःबलय् नेवाः नेतातसें खारेज हे यायेमाल धकाः धाल । तर उगु आन्दोलन आः अथें दुसुला वन । थुकिं नेवाः नेतृत्व दु ला कि मदु, दुसां गुकथंया […]

थौकन्हय् देय्या स्थिति छु जुयाच्वन धइगु न्ह्यसः सर्वत्र ब्वलनाच्वंगु दु। छखे आम जनता देशय् राज्यया उपस्थिति मदुगुलिं आक्रोशित जुयाच्वंगु दुसा मेखे थीथी कथं आपराधिक घटनाक्रम नं अप्वया वनाच्वंगु थौंया ई खः । तर नेपाः सरकारया प्रतिनिधित्व यानाच्वंगु राजनीतिक दलत धाःसा छु यायेमाःगु खः उगु ज्या मयासे अनावश्यक खँय् जक तक्यनाच्वंगु दु । नकतिनि जक नं नेपाल कम्युनिष्ट पार्टीया सचिवालय बैठक च्वन । […]

गुम्ह मचा बूबलय् जि लय्ताया । वया भिं कामना जिं याना । फायात खिचां उनाः लिना छ्वःथें । थौं उम्ह काय्पिसं कलाःपिनि खँ न्यनाः जितः छेँय् नं पितिना हल ।  जिं ब्वलंकापिं, जितः बा बा धाइपिं जिमि काय्पिं थौं नीच जुल । जितः छेँय् नं पितिना हल । थ्व छम्ह बौया नुगः सः खः । थःगु छेँय् नं पितिंका […]

निम्ह नेता । प्रम ओली व भू.पू प्रम माधव नेपाल । इमि दथुइ कठोर वाक युद्ध जुइ । भनाभन । कटु संवादया वमन याइ । मत्ती लुइ । देय्या वरिष्ठ नेता धाःपिं । थःत देय्या केन्द्र खंकीपिं । खिचा ल्वाःथें ल्वाइ । छम्हं मेम्हेसित ‘ह्वाउ ! ह्वाउ !’ याइ । फयां फक्व तसकं । देय् हे थ्वक्क । जनताया […]