नेवाःख्यः

येँ – केन्द्रीय मानन्धर संघया ग्वसालय् दँय्दसं न्ह्याना वयाच्वंगु परम्परागत स्वयम्भू भ्वय् वंगु शनिवाः क्वचाल । थुगुसी स्वयम्भू भ्वय्या व्यवस्थापन फल्चासाः मानन्धर सनाः गुथि खलः व तःखाछेँ खलः जाना याःगु खः । स्वयम्भू भ्वय्या व्यवस्थापन दँय्दसं थीथी त्वाः, गुथि, खलःपाखें यायेगु याना वयाच्वंगु खः । दँय्दसं होलिपुन्हि धुनेवं न्हापांगु शनिवाः न्यायेका वयाच्वंगु स्वयम्भू भ्वजय् थुगुसी करिब द्वःछियात भ्वय् […]

येँ –  नेवाः देय् दबूया भाषा, साहित्य व संस्कृति कवः, नेवाः स्यनामि दबू व नेवाः बस्ती नेवाः स्कुल अभियानया मंकाः ग्वसालय् वंगु शनिवाः लोककवि राजभाई जकःमिया मचा चिनाखँ ब्वनेज्या व सहलह ज्याझ्वः जुल ।थनया जगतसुन्दर ब्वनेकुथिइ जूगु ज्याझ्वःया उलेज्या मूपाहां जनकवि दुर्गालाल श्रेष्ठं त्वाःदेवाय् मत च्याकाः यानादीगु खः । ज्याझ्वलय् विशेष पाहाकथं देय् दबूया नायः नरेश ताम्राकार, […]

येँ – बाग्लुङय् च्वंपिं नेवाःतय्सं नं थुगुसी न्ह्यइपुक होलि माने याःगु दु । नेपालभाषा मंकाः खलः, बाग्लुङया ग्वसालय् पुलांगु हे विधि, शैली व स्वरुपय् होली न्यायेकाः परम्परागत शैलीयात पुनर्जागरण याःगु खः । स्वसः दँ पुलांगु बाग्लुङया होलिया इतिहासयात पुनर्जागरण यायेगु ल्याखं खलकं उकथं होलि न्यायेकूगु खः । खलःया नायः मुकेशचन्द्र राजभण्डारीं लोप जुया वनेत्यंगु परम्परागत होलिया मौलिकतायात ल्यंकेगु […]

येँ – उसाँय् मदयाः आर्थिक समस्याय् लानाच्वंम्ह नेपालभाषाया हास्यश्रृङ्खला ‘ख्वताबजि’या लोकंह्वाःम्ह कलाकार मानकृष्ण वावायात थौं ग्वाहालि कथं १ लाख २२ हजार व न्यासः तका लःल्हाःगु दु । नेपाः बैंक्वेटय् छगू ज्याझ्वःया दथुइ मानकृष्ण वावा ग्वाहालि पुचःया कजि सुरेन्द्र तुलाधरं ग्वाहालि दां लःल्हानादीगु खः । ज्याझ्वलय् वय्कःयात ग्वाहालि यानादीपिनि नां न्यंकुसें नांधलः नं लःल्हानादीगु खः । […]

ख्वप – उपन्यासकार रामशेखर नकःमिया बाखं मुनाः ‘सिमात फफस्वः’ आः नेपालभाषा नापं खय् भासं नं छगू हे जुयाः पिहां वइगु जूगु दु । वइगु फागुन २६ गते उकिया विमोचन जुइ । विमोचन नेपाल प्रज्ञा प्रतिष्ठानया कूलपति गंगाप्रसाद उप्रेती व नेपालभाषा एकेडेमीया चान्सलर चित्तरञ्जन नेपालीं मंकाः कथं यानादीगु खँ ग्वसाः खलः रामशेखर ग्वाहालि पुचलं धाःगु दु […]

किपू -‘किपूया ऐतिहासिक व सांस्कृतिक सम्पदा अनुसन्धान’ विषयय् म्हिगः नेपालभाषा एकदेमिपाखें छगू प्राज्ञिक अन्तक्र्रिया यात । एकेदमिया चान्सलर चित्तरंजन नेपालीया अध्यक्षताय् जूगु उगु ज्याझ्वलय् अनुसन्धान पुचःया नेतृत्व यानादीम्ह प्रा।डा। टेकबहादुर श्रेष्ठं अनुसन्धानया प्रस्तावना न्ह्यब्वयादीगु खः । उकियात कयाः एकेदमिया सदस्य सचिव मल्ल के सुन्दर, किपू नपाया मेयर रमेश महर्जन लगायत स्थानीय बुद्धिजीवी, राजनीतिकर्मी आदिपिंसं बिचाः तयादीगु खः । […]