संस्कृति

येँ (नेपालभाषा टाइम्स) – थनया येँ मनपा १८ वडास्थित किलाघः सांस्कृतिक पुचः नीदँ पूवंगु लसताय् वंगु शनिवाः छगू ज्याझ्वःया दथुइ संस्थाया संस्थापक हना ज्याझ्वः याःगु दु। संस्था स्थापनाकालनिसें थीथी ख्यलय् योगदान बियादीपिं व्यक्तित्वपिन्त हनेज्या याःगु खः । नेपाल संवत् ११४१ न्हूदँ, झिन्हय्क्वःगु राष्ट्रिय ज्यापु दिवसया लसतालिसें पुचः २० दँ पूवंगु व खुक्वःगु दँमुँज्या हनेज्याझ्वलय् पुचःया […]

येँ (रासस) – ऐतिहासिक, धार्मिक-सांस्कृतिक व पुरातात्विक नगर पन्ति विश्व सम्पदाया धलखय् दुथ्याःगु जूगु दु । संयुक्त राष्ट्र संघीय अंग (युनेस्को)पाखें २५ दँ न्ह्यः प्रस्तावित काभ्रेपलाञ्चोकया पन्तियात विश्व सम्पदाय् सुचीकृत यायेगु ज्यां थुगु दँय् तीव्रता काःगु नगरं न्ह्यथंगु दु । धलखय् दुथ्याकेगु निंतिं लिपांगु प्रक्रिया नेपाःस्थित मन्त्रिपरिषद्या बैठकया निर्णययात पियाच्वंगु दु । पन्ति नगरयात विश्व […]

येँ (नेपालभाषा टाइम्स) – ख्वपया नवदुर्गा द्यःया गंप्याखं येँया ग्वलय् (जयबागेश्वरीइ) क्यनेगु ज्या जूगु दु । थुगुसी कोरोना भाइरस संक्रमणया जोखिमया कारणं सीमित व्यक्ति उपस्थितिइ नवदुर्गा द्यःया गंप्याखं क्यनेगु ज्या जूगु खः । ख्वपया नवदुर्गा द्यःया गंप्याखं दँय्दसं थिंलाथ्व नवमिकुन्हु ग्वल देशय् वयाः प्याखं क्यनाः मोक्षदा एकादशिया दिंकुन्हु लिहां वनीगु चलन दु । मल्लकालीन इलय् […]

यल (नेपालभाषा टाइम्स) – यल महानगरपालिकां थीथी थासय् च्वंगु धार्मिक महत्वया सम्पदा पुनःनिर्माण याइगु जूगु दु । यल मनपां मंगलबजारय् च्वंगु नृसिंह व देगु तलेजु, बालकुमारीइ च्वंगु बालकुमारि देगः, लगंख्यलय् च्वंगु न्हूपुखूया पुनःनिर्माण यायेत्यंगु खः । यल मनपाया प्रमुख चिरिबाबु महर्जनं थुपिं दक्वं सम्पदा यल मनपाया १०२ क्वःगु स्थापना दिवसया दिंकुन्हु पुनःनिर्माण यायेगु जानकारी बियादीगु […]

येँ (नेपालभाषा टाइम्स) – भुइजःसिं नारांद्यःया सर्वसाधारणया दर्शनया निंतिं म्हिगःनिसें खुल्ला याःगु दु । कोरोना संक्रमणया जोखिमया कारणं वंगु चैत ११ गतेनिसें बन्द जुयाच्वंगु देगः म्हिगःनिसें सर्वसाधारणया निंतिं खुल्ला याःगु खः । बागमति प्रदेशसभा सदस्य दीपक निरौला व बुढानीलकण्ठ नगर पालिकाया प्रमुख उद्धवप्रसाद खरेलं मंकाःकथं भुइजःसि नारांद्यः दर्शनया निंतिं खुल्ला यानागु घोषणा यानादीगु खः । […]

येँ (नेपालभाषा टाइम्स) – यलया बंगलामुखी देगः आवंलिं बिहिवाः बिहिवाः जक चालीगु जूगु दु । बंगलामुखी देगः लिक्कसं च्वंगु क्वन्ति महाद्यःया देगः जिर्णोद्धार ज्या जुयाच्वंगुलिं छुं ई तकया निंतिं वाःया छक्वः बिहिवाः जक न्हिछियंकं चायेके त्यनागु खँया जानकारी द्यःपाःनं बियादीगु खः ।