बुखँ

येँ (नेपालभाषा टाइम्स)- सरकारं म्हिगः स्वंगू प्रज्ञा प्रतिष्ठानय् प्राज्ञत नियुक्त याःगुली एमालेपाखें छम्हेसित हे दुमथ्याकूगु खँय् एमाले कार्यकर्तात तम्वःगु दु । एमालेपाखें जनसांस्कृतिक मञ्चं सम्भावित प्राज्ञतय् नांधलः दयेकाः संस्कृतिमन्त्री सुदन किरातीयात लःल्हाःगु खः । तर मन्त्री किरातीं एमालें छ्वया हःगु नांपाखें धाःसा छम्हेसित हे दुमथ्याकू । एमाले कार्यकर्तातय्सं आः माओवादी सरकार एमालेयात त्वःताः न्ह्याः वनेत्यंगुया थ्व नं छगू […]

येँ (नेपालभाषा टाइम्स)- यँ महानगरपालिकां न्यायिक समिति राष्ट्रिय सम्मेलन यायेगु तयारी न्ह्याकूगु दु । थ्वहे वइगु चैत २४ व २५ गते स्थानीय तह न्याय सम्पादनया अनुभव आदान प्रदान यायेगु आज्जु कथं सम्मेलन ग्वसाः ग्वयागु खँ येँ मनपां धाःगु दु । सम्मेलन तयारीया नितिं येँमनपाया उपमेयर सुनिता डंगोलया अध्यक्षताय् ‘न्यायिक समिति मूल समारोह समिति’ नीस्वंगु खः । उपमेयर डंगोलं […]

येँ (नेपालभाषा टाइम्स)- राष्ट्रपतिया उम्मेदवारयात कयाः प्रधानमन्त्री लिसें माओवादी केन्द्रया अध्यक्ष पुष्पकमल दाहाल व एमाले अध्यक्ष केपी शर्मा ओली निम्ह थःगु अडानं लिमचिउगु खँ सीदुगु दु । म्हिगः प्रधानमन्त्री दाहालयात नापलायेत अध्यक्ष ओली दाहाल निवास बालुवाटारय् वंगु खः । निम्हेसिया दथुइ जूगु खँल्हाबल्हाया झ्वलय् अध्यक्ष ओलीं पुलांगु सहमति कथं राष्ट्रपति एमालेयात बीमाःगु धासें उकिया नितिं माओवादीं केन्द्रं […]

किपू(नेपालभाषा टाइम्स)- किपू नगर दुने थीथी थासय् च्वंपिं भूमिहीन सुकुम्वासी, अव्यवस्थित रुपं बसोबास यानाच्वंपिंत जग्गा वितरणया निंतिं आवश्यक प्रक्रिया न्ह्याकेगु ल्याखं छगू सम्झौता जूगु दु । राष्ट्रिय भूमि आयोग व किपू नगरपालिका दथुइ उकथंया सम्झौता जूगु खः । किपू नगरपालिकाय् जूगु सम्झौताय् नगरपालिकापाखें नगर प्रमुख राजकुमार नकःमि व आयोगया अध्यक्ष केशव निरौलां सम्झौता पती ल्हाःचिं तयादीगु खः । […]

यल(नेपालभाषा टाइम्स)- ताम्रकार समाजया ग्वसालय् जूगु मंकाः इहि मुना ज्याझ्वः क्वचाःगु दु । समाजया ग्वसालय् झिंन्याक्वःखुसी मंकाः इहि मुना ज्याझ्वः जूगु खः । समाजया सामाजिक विधि व्यवहार व्यवस्था उपसमितिया संयोजनय् उगु ज्याझ्वः जूगु खः । समाजया थःगु हे भवन जावलाख्यलय् च्वंगु तमकः द्यः (उग्रचण्डी माई)याथाय् जूगु इहि मुनाय् २१ म्ह मिसा मस्तय् सहभागिता दुगु खः । समाजं दँय्दसं थुकथं […]

येँ(नेपालभाषा टाइम्स)- येँ महानगरपालिका १५ व १९ वडा स्वाइगु थनया कंगः अजिमा द्यःया न्ह्यःनेसं च्वंगु ताँ याकनं दयेकेत जनप्रतिनिधितसें माग याःगु दु । येँ महानगरपालिका १९ वडाअध्यक्ष राजेशकुमार श्रेष्ठलिसें वडा सदस्यपिं चन्द्रमान डंगोल, दिनेशमान जोशी रेणुकमल शाही, रंजिता परियार लगायतं याकनं ताँ दयेकेत माग यानादीगु खः । विष्णुमति खुसि च्वसं च्वंगु ताँपाखें जोखिम अप्वयेवं करिब निला न्ह्यः […]