बुखँ

फ्रान्सया राष्ट्रपति एम्मानुएल माक्रों सिरियाली सरकारं थः नागरिकविरुद्ध रासायनिक हतियार छ्यलाच्वंगु प्रमाण लुत धाःसा सिरियाय् आक्रमण यायेफुगु ख्याच्वः बियादीगु दु । पत्रकारतलिसे खँ ल्हासें वय्कलं धयादीगु दु, ‘गन थज्याःगु आक्रमण जुइ अथवा गनं आक्रमणया तयारि जुयाच्वंगु दु, अन फ्रान्सं आक्रमण याइ ।’तर प्रतिबन्धित रासायनिक हतियार छ्यलाच्वंगु धयागु बारे फ्रानसेली गुप्तचर निकायं आःतकु छुं प्रमाण लुइकेमफुनिगु […]

तिलौराकोटय् इसापूर्व च्यागूगु शताब्दीइ सुसंस्कृतिं सम्पन्न मानव वस्ती दुगु तथ्य लूगु दु । पुरातत्व विभाग, बेलायतया दुरहाम विश्वविद्यालय, लुम्बिनी विकास कोष व राष्ट्रिय–अन्तर्राष्ट्रिय विज्ञतय् छगू पुचलं याःगु पुरातात्विक उत्खननपाखें लुया वःगु थीथी सामग्रीया वैज्ञानिक अध्ययन अनुसन्धानलिपा उगु न्हूगु तथ्य पिहां वःगु खः । ‘युनेस्को जापानिज फन्ड इन ट्रष्ट’या आर्थिक ग्वाहालिं करिब स्वदँ न्ह्यवंनिसें जुयाच्वंगु उत्खननं उगु थासय् […]

पाकिस्तानय् प्रहरीं मिस्तय् म्हं ‘स्पाइनल फ्ल्युड’ खुयाकाःगु द्वपनय् प्यम्हेसित ज्वंगु दु । थुपिं खुँतय्सं मिस्तय्त पंजाब सरकारपाखें आर्थिक ग्वाहालि कायेगु खःसा न्हापां हि जाँच यायेमाः धाइगु । अले हि लिकायेगु धकाः स्पाइनल फ्ल्युड लिकायेगु यानाच्वंगु खः । थुपिं खुँतय्सं झिंनिम्ह मिस्तय्पाखें थुकथं स्पाइनल फ्ल्युड खुयाकाःगु अनुमान यानातःगु दु, गुकी छम्ह नाबालिक मिसामचा नं लाः ।छम्ह […]

येँ – महान्यायाधिवक्ता बसन्तराम भण्डारीं प्रतिनिधिसभाया सदस्यय् निर्वाचित जूम्ह प्रहरीया पुलांम्ह डिआइजी नवराज सिलवाल विरुद्ध प्रहरीं किर्ते अभियोगय् मुद्दा तयेत बिउगु राय कथं सरकारी वकिलं मुद्दा दर्ता मयात धाःसा थम्हं हे दर्ता यायेगु खँ कनादीगु दु ।सरकारी वकिलयात उगु मुद्दा दर्ता मयायेत ख्याच्वः बियाच्वंगु द्वपं बिसें सरकारी वकिलं याये मफइगु खःसा थम्हं हे निर्णय यायेगु खँ […]

येँ – भुखाचं क्षतिग्रस्त जूगु संरचनात पुनःनिर्माण यायेबलय् भुखाय् प्रतिरोधी, अझ बांलाक व सशक्त जुइमाःगु खँय् सरोकारवालातय्सं बः बिउगु दु । गृह मन्त्रालय, स्थानीय विकास मन्त्रालय, सहरी विकास मन्त्रालय, संघीय मामिला तथा खानी तथा भूगर्भ विभाग लिसें जापान अन्तर्राष्ट्रिय सहयोग नियोग (जाइका), काठमाडौं उपत्यका भूकम्प विपद् जोखिम मूल्यांकन परियोजनां मंकाः कथं ग्वसाः ग्वःगु छगू ज्याझ्वलय् सरोकारवालातय्सं […]

येँ – अन्ततः माओवादीपाखें यानाच्वंगु मागयात स्वीकार यासें एमाले पालंपाः प्रधानमन्त्री जुइगु प्रणालीइ वनेत तयार जूगु दु । पार्टी एकीकरण लिपा पार्टीया नेतृत्व एमाले अध्यक्ष व माओवादी अध्यक्ष निम्हेस्यां मंकाः कथं यायेगु व सरकारया नेतृत्व चाहिँ पालंपाः यायेगु खँय् सहमति जूगु खः । सूत्रं धाः कथं निम्ह नेताया दथुइ जूगु सहमति कथं न्यादँया कार्यकालय् एमाले अध्यक्ष ओलीं […]