बुखँ

येँ  – छातीइ संक्रमण खने दयेवं शिक्षण अस्पतालय् भर्ना जुयादीम्ह प्रधानमन्त्री केपी ओलीयात आः छुं न्हि अस्पतालया आईसीयुलय् तयाः वासः याइगु खँ चिकित्सकतय्सं धाःगु दु । वंगु शुक्रवाः सामान्य रुपं विरामी जुयादीम्ह प्रम ओलीयात म्हिगः सुथय् स्वास्थ्यस्थिति स्यनेवं ४ः३० बजे अस्पताल यंकूगु खः । चिकित्सकतय् कथं वय्कःया छातीया संक्रमण क्रमिक रुपं सुधार जुयाच्वंगु दुसा मेगु फुक्कं सामान्य […]

विदेशी विमान कम्पनीलिसे कर्मचारी मिलोमतोया लिच्वः येँ –  नागरिक उड्डयन प्राधिकरणया कर्मचारीतय् कारणं विदेशी विमान कम्पनीतय्पाखें वयेमाःगु करोडांै तका दां छखे लाइगु अवस्थाय् थ्यंगु दु । नेपाःया अन्तर्राष्ट्रिय विमानस्थल छ्यःगु वापत प्राधिकरणं विदेशी विमान कम्पनीपाखें करोडौं तका काये ल्यं दनि, तर कर्मचारीतय्सं थज्याःगु कम्पनीत लिसे मिलोमतो यानाः ध्यबा म्हयेगु ज्याय् बेवास्ता याःगुलिं करोडौं तका दां छखे […]

येँ – नेपाल प्रहरीं ‘हर प्रहर गाउँ व नगरी, टोलटोलय् नेपाल प्रहरी’ धयागु नारा बिया देन्यंकं समुदाय प्रहरी साझेदारी कार्यक्रम सुरु याःगु दु । आइतवाः भृकुटी मण्डपय् छगू ज्याझ्वःया दथुइ गृहमन्त्री रामबहादुर थापा थुगु ज्याझ्वःया सुभारम्भ यानादीगु खः । प्रहरीं स्थानीय तह, समुदाय, सामाजिक संघसस्था व विद्यालयलिसे साझेदारी यानाः थ्व ज्याझ्वः न्ह्याकीगु खँ धाःगु दु । ज्याझ्वलय् कार्यक्रमया […]

येँ – थनया न्ह्यःखाय् च्वंगु जनचिकित्सालय्यात करिब स्वंगू लाख तका बराबरया स्वास्थ्य सम्बन्धी उपकरण लःल्हाःगु दु । नेपाल–भारत मैत्री समाजं चिकित्सालययात स्वास्थ्य उपकरण लःल्हाःगु खः । समाजया सभापति प्रेम लस्करीं चिकित्सालयया अध्यक्ष विमला मानन्धरयात उगु उपकरण लःल्हाःगु खः । उगु इलय् येँ महानगरपालिकाया प्रमुख विद्यासुन्दर शाक्य, उपप्रमुख हरिप्रभा खड्गी श्रेष्ठ, नेपाःया निंतिं भारतीय दूतावासया प्रथम सचिव लगायतपिनिगु उपस्थिति […]

किपू –  युथ आई सर्भिसया ग्वसालय् किपूया नगरमण्डप श्रीकीर्ति विहारय् मोतिविन्दु जूपिनिगु निःशुल्क शल्यक्रिया यायेगु ज्या जूगु दु । संस्थाया २२ क्वःगु बुदिंया लसताय् लाकाः उगु ज्याझ्वः जूगु खः । संस्थाया नायः सिद्धार्थ रंजितया सभापतित्वय् जूगु ज्याझ्वःया उलेज्या येँ क्षेत्र नं ८ पाखें प्रतिनिधिसभा सदस्यय् निर्वाचित जीवनराम श्रेष्ठं त्वाःदेवाय् मत च्याकाः यानादीगु खः । उगु ज्याझ्वलय् मुक्कं स्वीन्हय्म्हेसिनं […]

येँ –  नेपाल कम्युनिष्ट पार्टीया पुलांम्ह कार्यकर्तालिसें शिक्षासेवी नापं निरंकुश पंचायती व्यवस्थाया विरोधी आन्दोलनया न्ह्यलुवा सीताराम मास्के मंत । शिक्षक संगठनया तकं न्ह्यलुवा जुयाच्वनादीम्ह मास्के वंगु शनिवाः न्हिनसिया ३ः३० ताःइलय् मदुगु खः । मस्तिष्कघातया कारणं वंगु लछि न्ह्यःनिसें वय्कः थनया अन्नपूर्ण न्यूरो अस्पतालय् वासः याकाच्वनादीगु खः । वय्कःया निम्हं काय अमेरिकाय् च्वनाच्वंगुलिं वय्कःया अन्त्येष्ठि थौं जक जुइगु खँ […]