राष्ट्रिय

येँ (नेपालभाषा टाइम्स)- अखिल नेपाल भिक्षु महासंघया ग्वसालय् वइगु फागुन २० गतेनिसें २२ गते तक लुम्बिनीइ त्रिपिटक वाचन याइगु जूगु दु । म्हिगः थुकिया बारे विश्वशान्ति विकारय् छगू पत्रकार सम्मेलन यासें महासंघया अध्यक्ष भिक्षु धम्मसोभन महास्थविरं भगवान बुद्धया जन्मस्थल बारे न्यनाच्वंगु भ्रमयात फायेत व लुम्बिनीया पहिचान न्यंकेत थुगु अन्तर्राष्ट्रिय त्रिपिटक वाचन ज्याझ्वलं ग्वाहालि जुइगु विश्वास प्वंकाबिज्यात । […]

येँ (नेपालभाषा टाइम्स)÷ किपूया टियू मैदानय् जुयाच्वंगु नेपाः, नामिबिया व नेदरल्याण्ड्स दथुइया त्रिकोणात्मक सिरिजया अन्तिम कासाय् नेपाः पराजित जूगु दु । आइतवाः जूगु कासाय् नेपाःयात नेदरल्याण्ड्सं च्यागू विकेटं बुकूगु खः । सिरिजय् नेपाःया थ्व स्वंगूगु पराजय खः । नेपाः नामिबियालिसे जूगु निगुलिं कासाय् पराजित जूगु खःसा छगुलिइ नेदरल्याण्ड्सयात बुकूगु खः । कासाय् टस बुनाः न्हापां […]

येँ (नेपालभाषा टाइम्स)÷पुलांम्ह मिस नेवाः लिसें भाषासेवी मय्जु नितु डंगोलयात नइ पुरस्कार बीगु जूगु दु । वय्कःयात थुगु दँया ‘नइ देरुनीख पौरख पुरस्कार’ बीत्यंगु खः । वयक्लं जाति, भाषा लिसें समाजसेवाया ख्यलय् यानादीगु योगदानया कदर यासें २५ द्वः तकाया थ्व सिरपाः बीत्यंगु खः । वय्कः लिसें साहित्यकार शैलेन्द्र सिम्खडा, रीमा पाण्डे व डा. साधना प्रतीक्षायात […]

येँ (नेपालभाषा टाइम्स)- त्रिविविया न्हूम्ह उपकुलपति प्रा.डा. केशरजंग बरालं त्रिविविं न्ह्याकाच्वंगु प्यदँया स्नातक कोर्शयात आः हानं स्वदँय् हे क्वत हयेगु खँ कनादीगु दु । म्हिगः त्रिविविइ थःगु कार्यभार ग्रहण यायेगु झ्वलय् वय्कलं थ्व खँ धयादीगु खः । त्रिविविं वंगु २०७१÷०७२ निसें व्यवस्थापन संकायपाखे स्नातक (डिप्लोमा) तह प्यदँ दयेकूगु खः । तर थ्व प्यदँया कोर्श तसकं […]

येँ (नेपालभाषा टाइम्स)- नेवाः जातिया थीथी भाषिक व जातीय खलः पुचःतय् थःथःगु हे संस्थागत छेँ दनेगु झ्वलय् आः ज्यापु महागुथि नेपाःया छेँ नं दने सिधःगु अवस्थाय् थ्यंगु दु । ज्यापु महागुथिया मू ज्याकू तइगु थ्व छेँ येँ मनपा १५ वडाय् लाःगु वैलोचन तिर्थया लिक्क दनाच्वंगु खः । न्यातँजाः दइगु थ्व छेँया निर्माण क्वचायेधुंकूगु दु । आः दुनेया ज्या […]

येँ (नेपालभाषा टाइम्स)- नेकपा एकीकृत समाजवादीं बालकुमारी घटना जाँचबुझ आयोगया प्रतिवेदन मस्वसें भौतिक पूर्वाधार मन्त्री बारे निर्णय याये मफइगु खँ धाःगु दु । म्हिगः च्वंगु पार्टीया सचिवालय बैठकय् मन्त्री प्रकाश ज्वाला बारे खल्हाबल्हा जूगु खः । तर सुयात छु कारणं दोषी क्यंगु खः धइगु जानकारी मदुगु व प्रधानमन्त्रीं पुष्पकमल दाहालं जाँचबुझ आयोगया प्रतिवेदन अध्ययन यानाच्वंगुलिं गुगुं निर्णय […]