राष्ट्रिय

येँ (नेपालभाषा टाइम्स)-नेवाः न्ह्यलुवा लिसें जनता समाजवादी पार्टीया संघीय परिषद् अध्यक्ष राजेन्द्र श्रेष्ठया अबु पञ्चनारायण श्रेष्ठ म्हिगः मंत । वय्कः ८८ दँ दुम्ह खः । वंगु छुं ई न्ह्यवंनिसें उसाँय् मदयाः अस्पताल भर्ना यानातःम्ह वय्कः म्हिगः वीर अस्पतालय् वासः याकुयाकुं मदुगु खः । मदुम्ह श्रेष्ठया जहान लिसें निम्ह काय् व छम्ह म्ह्याय् दी । वय्कःया निम्ह काय्पिं मध्ये तःधीम्ह […]

येँ (नेपालभाषा टाइम्स)- प्रतिनिधिसभाय् विश्वासया मत काये मफयेवं प्रधानमन्त्री पुष्पकमल दाहाल पदमुक्त जूगु दु । दाहालं सरकारया नेतृत्वय याःगु झिंच्यालाया दुने न्याक्वःखुसी म्हिगः प्रतिनिधिसभाय् विश्वासया मत काःगु खः । प्रतिनिधिसभाया म्हिगःया बैठकय् २५८ सांसद मध्ये दाहालयात ६३ मत वंगु खः । प्रधानमन्त्री जुइत माःगु १३८ मत काये मफयेवं दाहाल पदमुक्त जूगु खः । दाहालया विपक्षय् १९४ मत लाःगु खःसा […]

येँ(नेपालभाषा टाइम्स)÷ भाषासेवी लिसें साहित्यकार डा. बालगोपाल श्रेष्ठया सम्पदा संरक्षण व अधिकार सम्बन्धी सफू पिदंगु दु । डा. श्रेष्ठया ‘हेरिटेज प्रिजर्भेसन एण्ड राइट्स इन नेपाल’ नांया सफू भर्चुअल माध्यमं जूगु छगू ज्याझ्वःया दथुइ पितब्वज्या याःगु खः । वंगु असारया निगूगु वाःपाखे वल्र्ड नेवाः अर्गनाइजेसन (डब्लुएनओ)पाखें न्हियान्हिथं न्ह्याका वयाच्वंगु डब्लुएनओ डेल्ली ब्रोडकास्ट (डब्लुडीबी) ज्याझ्वलय् वय्कःया उगु सफू पितब्वज्या […]

येँ (नेपालभाषा टाइम्स)÷खय् भासं येँ देय्या नामाकरण जुयाच्वंगु ऐतिहासिक मरुसतः पुनर्निर्माण क्वचाःसां नं सर्वसाधारणया लागिं खुल्ला मयाःगु खँय् स्थानीय वासिन्दा असन्तुष्ट जूगु दु । मरुसतः सर्वसाधारणया लागिं खुल्ला मयाः धकाः स्थानीय वासिन्दां मरुसतःया मू लुखाय् हे हाकुगु ब्यानर तयाः विरोध प्रदर्शन समेत याःगु दु । वि.सं. २०७२ सालया तःभुखाचय् पाःताः जुइक दुना वंगु मरुसतःयात येँ महानगरपालिकाया पहलय् […]

येँ(नेपालभाषा टाइम्स)- सीघःस्थित धर्मकीर्ति विहारया प्रमुख श्रद्धेय अनागारिका धम्मावति गुरुमांया नामं स्वास्थ्योपचार कोष नीस्वनीगु जूगु दु । शासनधज धम्मचरिय अग्गमहागन्थवाचक पण्डित एवं भाषाथुवाः श्रद्धेय धम्मवति गुरुमांया नामं गुरुमांपिनिगु स्वास्थ्योपचारया निंतिं कोष नीस्वनेत्यंगु खः । धर्मकीर्ति विहारयाकथं विहारय् च्वनाबिज्याःपिं आवासीय गुरुमांलिसें विहारया शाखा विहारय् च्वनाबिज्याःपिं गुरुमांपिंत निःशुल्क स्वास्थ्योपचारया निंतिं कोष स्वनेत्यंगु खः । विहारं बिउगु जानकारीकथं गुरुमांया नामं गुरुमांपिनिगु […]

येँ (नेपालभाषा टाइम्स)- सहकारी पीडिततय्सं उपप्रधान लिसें गृहमन्त्री रवि लामिछानेया विषयय् समेत छानबिन यायेत माग याःगु दु । म्हिगः सहकारी संस्था बचत दुरुपयोग संसदीय छानबिन विशेष समितिइ थःगु खँ तयेगु झ्वलय् पीडिततय्सं उगु माग याःगु खः । पीडिततय्सं सहारा बहुउद्देश्यीय सहकारीया ध्यबा गोर्खा मिडिया नेटवर्कय् १ अर्ब स्वयां अप्वः लगानी जूगु धासें गोर्खा मिडिया नेटवर्कया प्रबन्ध निर्देशक […]