राष्ट्रिय

बिबिसी विश्वया श्रम बजारय् न्हापा स्वयां याकनं हिउपाः वयाच्वंगु दु । थौं दुगु लजगाः अप्वः धइथें भविष्यय् मदयावनी । विश्व आर्थिक मञ्चं नकतिनि याःगु छगू अध्ययन कथं निगू मू तत्वं हिउपाः हयाच्वंगु दु । छगू खः न्हूगु प्रविधिया जन्म व स्वचालित उपकरणया छ्यलाबुला, अले मेगु खः हरित अर्थतन्त्र व दिगोपनपाखेया अभियान । ‘बिग डाटा’, ‘क्लाउड […]

येँ (नेपालभाषा टाइम्स)÷ प्रधानमन्त्री केपी शर्मा ओलीं ‘काभा वुमन्स भलिबल नेसन्स लिग’ २०२४ य् रजत पदक त्याकूपिं नेपाःया मिसा भलिबल टिमया कासामितय्त बिहिवाः सिरपाः लल्हाःगु दु । बिहिवाः प्रधानमन्त्री निवास बालुवाटारय् जूगु ज्याझ्वलय् कासामितय्त नगद सिरपाः बियाः सम्मान याःगु खः । बालुवाटारय् जूगु ज्याझ्वलय् टिमया कप्तान अरुणा शाहीलिसें १४ म्ह कासामि, प्रशिक्षक, सहायक प्रशिक्षक, व्यवस्थापक, […]

येँ (नेपालभाषा टाइम्स)- नेपाली सेनाया न्हूम्ह प्रधान सेनापति पदय् अशोकराज सिग्देल नियुक्त जुयादीगु दु । सरकारं यानाहःगु सिफारिस कथं राष्ट्रपति रामचन्द्र पौडेलं सिग्देलयात न्हूम्ह प्रधानसेनापति नियुक्त यानादीगु खः । वय्कःया कार्यकाल भदौ २४ गतेनिसें शुरु जुयाः स्वदँ तक कायम जुइ । वर्तमान प्रधानसेनापति प्रभुराम शर्माया कार्यकाल भदौ २४ गते क्वचाइगु खःसां नियम कथं वय्कः लछि न्ह्यः हे अवकाशय् […]

येँ (नेपालभाषा टाइम्स)÷धौख्यःया विहारय् च्वनाबिज्याइम्ह वयोवृद्ध भिक्षु गुणघोष भन्तेयात हातपात यानाः घाःपाः याःगु घटनायात कयाः धर्मोदयसभां म्हीग धौख्यःया सिडिओ–यात ज्ञापनपौ बिउगु दु । ज्ञापनपौ बीगु झ्वलय् जूगु सहलहलय् धर्मोदयसभाया प्रतिनिधिपिंसं थज्याःगु घटना हाकनं दोहारे मजुइमा धकाः माग याःगु खः ।  उकथं हे धौख्यलय् च्वंगु मेमेगु नं बिहारया सुरक्षाय् ध्यान बीत नं सिडिओ सूर्यप्रसाद सेढाईयात इनाप याःगु दु । […]

येँ (नेपालभाषा टाइम्स)÷एमाले–पाखें विभाजन जुयाः माधव नेपालया नेतृत्वय् न्ह्यानाच्वंगु नेकपा (एकीकृत समाजवादी) पार्टी न्हापांगु अधिवेशन लिपा हे आन्तरिक विवादय् तक्यं वंगु दु । थुकिं यानाः पार्टी दुने सन्तुलनया समस्या पिहां वःगु दुसा मेखे असन्तुष्ट कार्यकर्तात धमाधम पार्टी त्वःताः एमालेय् हे लिहां वनेगु क्रम अप्वया वःगु दु । महाधिवेशन क्वचाःसां नं ताः ई तक पद विभाजन याये मफयाच्वंगु […]

येँ(नेपालभाषा टाइम्स)÷नेवाः खलः कास्कीया आह्वानय् नयाँबजार सांस्कृतिक समिति, नयाँबजारया ग्वसालय् पर्यटकीय नगरी पोखराय् जूगु तायामचा प्याखं धेंधेंबल्लाः कासाय् मिजंपाखें बागबजार बगर तायामचा समिति बागबजाः व मिसापाखे लामाचौर नेवाः खलः, लामाचौर न्हाप लाःगु दु । खलःया आह्वानय् वंगु शनिवाः जूगु कासाय् मिजंपाखे रानिपौवा तायामचा नाच समिति, रानिपौवा लिउ, गोपाल जि मन्दिर सेवा समिति, रामकृष्ण टोल लियांलिउ […]