राष्ट्रिय

यल (नेपालभाषा टाइम्स)÷ यल महानगरपालिकाया मेयर चिरिबाबु महर्जनं पाटन क्याम्पसय् नेपालभाषा कयाः एमए याइपिं न्याम्ह विद्यार्थीपिंत शतप्रतिशत छात्रवृत्ति बीगु घोषणा यानादीगु दु । नेपालभाषा केन्द्रीय विभागया पीनिदँ बुन्हिया लसताय् सोमवाः जूगु ज्याझ्वलय् मूपाहाँ कथं झायादीम्ह मेयर महर्जनं थ्व खँ धयादीगु खः । ज्याझ्वलय् न्ववासें वय्कलं धयादीगु दु, ‘केन्द्रीय विभागं सिफारिस यानाहःकथं न्याम्हेसिया खर्च यल महानगरपालिका शतप्रतिशत व्यहोरे […]

नेकपा माओवादी केन्द्रया अध्यक्ष पुष्पकमल दाहालं थः पुलांम्ह पासा डा. बाबुराम भट्टराईया पार्टीलिसे चुनाव न्ह्यः पार्टी एकता जुइगु सम्भावना मदुगु खँ धयादीगु दु । नेपाल जेसिजया गोरखाय् जूगु सम्मेलनय् न्ववासें वय्कलं उगु खँ धयादीगु खः । छगू हे चिं कयाः चुनाव ल्वायेगु सहमति जूसां नं चुनाव न्ह्यः पार्टी एकता हे जुइगु सम्भावना धाःसा मदुगु खँ अध्यक्ष दाहालं […]

येँ – आम निर्वाचन घोषणा जुइवं हे प्रतिनिधिसभा व प्रदेशसभाया कार्यकाल फुइमाःगु माग यासें सर्वोच्च अदालतय् रिट लाःगु दु । अधिवक्ता मनिराम उपाध्याय सहित न्याम्हेस्यां संघीय सरकार, प्रतिनिधिसभा, सभामुख व न्हय्गुलिं प्रदेश सरकारयात विपक्षी दयेकाः उगु रिट तःगु खः । थ्व स्वयां न्ह्यः अधिवक्ता उपाध्याय लगायतया पुचलं थ्वहे तर्क सहित सर्वोच्च अदालतय् निवेदन बीगु कुतः याःगु खःसां […]

येँ (नेपालभाषा टाइम्स)-चीनं नेपाःया नाका बन्द यानाः सामान पना बीवं बजारय् नेपालय् उत्पादन जूगु सामानया माग अप्वया वःगु खँ सम्बन्धित व्यापारीतय्सं धाःगु दु । चीनं कोरोना महामारीया त्वहःचिनाः वंगु निवाः न्ह्यः नेपाः दुहां–पिहां जुइगु तातोपानी व रसुवागढी निगुलिं नाका बन्द याना बिउगु खः । चीनं नाका बन्द याःगुलिं न्ह्यःने वयाच्वंगु मोहनि व स्वन्तिया लागिं धकाः हयातःगु करिब […]

येँ (नेपालभाषा टाइम्स)- नेकां नेता प्रदिप गिरीया स्वास्थ्य गम्भीर जूगु दु । वंगु लछिन्ह्यवंनिसे मेडिसिटी अस्पतालय् वासः याकातःम्ह गिरीयात म्हिगः भेन्टिलेटरय् तःगु दु । क्यान्सरं कयाच्वंम्ह वय्कःया अवस्था अन्तिमर चरणय् लानाच्वंगु खँ चिकित्सकतय्सं धाःगु दु । भारतया मुम्बईलय् कथुया क्यान्सरया वासः यानाः नेपाः लिहां झाःम्ह वय्कःया स्वास्थ्यय् समस्या जुइवं साउनया निगूगु वालय् मेडिसिटी अस्पतालय् भर्ना याःगु खः ।

येँ (नेपालभाषा टाइम्स)- राष्ट्रिय उपभोक्ता मञ्चं पेट्रोलियम पदार्थया भाः क्वमकाःगुलिं आयल निगम विरुद्ध संसदीय समितिइ उजुरी तःगु दु । प्रतिनिधिसभा अन्तर्गत उद्योग तथा वाणिज्य व श्रम तथा उपभोक्ता हित समितिइ तत्काल इन्धनया भाः क्वकायेत माग यासें अध्यक्ष प्रेमलाल महर्जनं निवेदन बियादीगु खः । निवेदनय् धयातःगु दु, ‘अन्तर्राष्ट्रिय बजारय् पेट्रोलियम पदार्थया भाः स्वला न्ह्यवंनिसें निरन्तर रुपं कुहां वयाच्वंसां […]